اسلام حويلة يكتب :

بعد المغرب⬅مين الوكيل الأقرب لـ"ليب موتور Leapmotor" في مصر⁉

ليب موتور C10 وC11 وC16

👈يمكن الحسنة الوحيدة اللي عملها كارلوس تافاريس رئيس ستيلانتيس السابق هي الشراكة مع ليب موتور الصينية ، وتأسيس شركة تملك ستيلانتيس 51% من أسهمها ومسؤولة عن عمليات Leapmotor في العالم.

👈شركة ناشئة قدرت بدعم ستيلانتيس المالي والتكنولوجي انها تبقى لاعب رئيسي ما بين الشركات الناشئة في الصين.

📌في تقرير مبيعات الـ NEVs في الصين لشهر يونيو ، اكتسحب ليب موتور المبيعات، مبيعاتها تضاعفت 95% على أساس سنوي ، حققت 93,376 وحدة ،وراها تحالف "هايما" في الترتيب الثاني بعدد 50,624 وحدة⬅شايف الفرق.

👈وسريعا تحالف "هايما" ملوش أي علاقة بعلامة هايما اللي نزلت مصر من سنين ، التحالف ده عبارة عن "خلطة ذكية" عملتها غول التكنولوجيا "هواوي".

👈هواوي مش بتصنع ومش بتبني صاج ومواتير ، هي بتدخل بـ"العقل" والتكنولوجيا، وتسيب الميكانيكا لشركات السيارات ، وكمان بتعرض وتسوّق العربيات في كل فروع هواوي في الصين

📌والعلامات تحت مظلة HIMA هي: أيتو بالشراكة مع Seres لوكسيد بالشراكة مع شيري ، ستيلاتو بالشراكة مع بايك، مايكسترو مع JAC ، وشانج جي مع SAIC.

👈نرجع لموضوعنا⬅ليب موتور بدأت تنتشر في أوروبا ، مثلا في ايطاليا صدّرت 100 ألف عربية في النصف الاول من 2026، وبتستحوذ على اكتر من 35% من سوق الكهربا هناك.

👈أصل اي مالك ليب موتور في اوروبا من حقه يعمل صيانة في أي مركز خدمة تابع لعلامات ستيلانتيس ،ويشتري قطع الغيار من منافذ ستيلانتيس، ومن التطبيق الموحد (Free2move) تقدر تشحن من أي نقطة شحن في اوروبا.

📌طيب هل الكلام ده ممكن نشوفه في مصر❓

👈معنديش اجابة قاطعة بالتأكيد، لكن اللي أعرفه ان ستيلانتيس قدّمت ليب موتور في المغرب نهاية 2025 ، ووكيلها شركة Sopriam وكيل بيجو وستروين ، وبالتالي عميل ليب موتور من حقه الوصول لمراكز خدمة ومنافذ قطع غيار الشركة⬅صحيح ستيلانتيس اشترت Sopriam، لكن الفكرة نفسها موجودة.

📌وده ينقلنا لسؤال مين أقرب وكيل لـ"ليب موتور Leapmotor" في مصر❓

يتبع <<<