2026 ..عام توحش الثلاثة الكبار ..وعلامات كتيرة في الشلالات

 👈نيسان في اول 10 شهور من 2025 مستحوذة على 11.6% من حجم المبيعات ، علامة هيونداي مستحوذة على 9.4% وبعدها علامة شيري بـ9.1% والرابع علامة MG بـ8.8%.. يعني مجتمعين بيمثلوا 38.9% من حجم سوق الملاكي في مصر.

📌هل ممكن يحصل تغيير في 2026❓

مش حيحصل تغيير ،حيحصل "توحش" من الثلاثة الكبار في السوق "نيسان وغبور والمنصور" ، احنا بنتكلم على كيانات عملاقة في السوق مش "حيسمّوا" على حد.

👈نيسان وبدون شك حتحتفظ بالمركز الأول في 2026 ونسبتها حتوصل لـ13% ع الأقل من حجم السوق، طبعا انت حتقول عشان "صني"، بس لوحدها لا تكفي، ده حيكون عندها 3 رؤوس حربة "صني" مكمّلة زي ماهي ومعاها موديلين تجميع محلي حيعملوا شغل كويس جدا ، "سينترا" الجديدة و"ماجنايت"، ومعاهم قشقاي وجوك واكستريل وباترول.

👈غبور.. شيري وهيونداي مش حيسيبوا نيسان ترتاح وحينزلوا بالجديد والمحلي صحيح كده كده ضامنين مكانهم ضمن الأربعة الاوائل لكن كل علامة بتقول "هل من مزيد❓

👈الحصان الاسود في 2026 هي شانجان وحتكون في الـ TOP 10، ده غير التجميع المحلي والمستورد من هافال ومعاهم NEVs ديبال والفاخرة Li Auto.

👈مجموعة المنصور متواجدة بـ MG ضمن الاربعة الكبار ، وطبعا كل السوق بلا استثناء مترقب تقديم علامة BYD والمثير ان كل الشركات "مسلّمة" بنجاح BYD الساحق قبل نزولها، لأن زي ما كتبت سوابق "المنصور" بتؤكد طرح موديلات جيدة باسعار منافسة ، وخد بالك زي ما حصل في 2025 بنزول شانجان بسعر مفاجىء وما تبعه من موجات تخفيض أسعار، حيتكرر مع نزول BYD.

📌الرهان هنا حتقدر تيجي في الترتيب الخامس بعد الاربعة الكبار ولا لأ❓

👈متنساش علامة سوايست وشيفروليه (فيها موديل SUV تجميع محلي) والاثنين حيدخلوا ضمن الـ TOP 10.

📌طيب "توحش" الثلاثة الكبار حييجي على حساب مين❓

👈حيكون على حساب "الكل" مفيش علامة "حتفلت" ، ده في علامات حتروح في "الشلالات" مشيها شلالات😉

📌بالمناسبة.. ياريت كل وكيل حينزل بعربية جديدة يكون تسعيرها أقل من المتوقع وإلا .."ما يضير الشاة سلخها بعد ذبحها"