تراخيص أكتوبر : بايك وسوايست أداء يحترم ..ورينو لاتزال صامدة

👈في البداية لازم اوجه التحية للكاتب الصحفي هشام الزيني رئيس تحرير الاهرام أوتو،على اصراره لمراجعة أرقام تراخيص شهر اكتوبر مع المجمعة المصرية للتأمين وإعادة النظر في التقرير، وبالفعل تم تعديل التقرير بعد المراجعة والفحص الدقيق والذي اسفر عن وجود بعض الأخطاء في التقرير الأولي.

👈تراخيص اكتوبر بلغت 19491 وحدة، يعني للشهر الثالث على التوالي يكون عدد التراخيص ثابتة، وده مؤشر مهم على حالة الاستقرار اللي بيعيشها السوق ، أغسطس تراخيصه 19540 وحدة وسبتمبر بلغ 19336 وحدة.

👈طبعا الملفت للنظر في التقرير الأداء القوي لعلامات بايك وسوايست ، اللي دخلوا قائمة الـ TOP 10 على حساب تويوتا وفولكسفاجن.

👈الجدول اللي تحت في ترتيب الـ15 علامة في تراخيص اكتوبر، ولو أخدت بالك مفيش أوروبي غير رينو بس الصامدة حتى الآن في مواجهة الصيني والتجميع المحلي.

👈ومنقدرش نقيس على مرسيدس لأنها عايشة على حس الاستيراد والتجار ، وسكودا مكملّة بكودياك بس وفيها استيراد تجار.

👈باقي العلامات الأوروبية بـ"تعاني" فعلا، طبعا سيبك من الكبار بورشة و BMW وأودي.. انا بتكلم عن العلامات المفترض انها تعمل مبيعات كبيرة.

👈الأوروبي السنة الجاية 2026 بنزول BYD و Li Auto وNio  افاتار وعلامات زي IM وديبال وزيكر وهونشي تشد ،موقفهم حيكون ضعيف أوي، وزي ما بقول دايما اللي بيحصل عالميا حيحصل عندنا حتى لو اتأخر

📌طب ما تويوتا رقم 1 عالميا وفي مصر مش الـTOP10❓

👈ماهو عشان كده بقولك الوضع مش حيستمر كتير ، متنساش ان دي آخر سنة في الجيل الحالي من كورولا، وبمجرد طرح الجيل الجديد الوضع حيرجع زي الأول.