اسلام حويله يكتب :

BYD sea lion 06.. بديل اسم سونج بلس في مصر

BYD

الثاني.. BYD sea lion 06.. بديل اسم سونج بلس في مصر

👈النهاردة كان يوم حافل.. بدأنا التحرك من فندق الإقامة الساعة 7 صباحا وبعد مسافة ساعة بالباص وصلنا لحلبة BYD وبعدها شرح لمنظومة الشحن الحديثة وشفنا ازاي بطارية العربية تتشحن بمعدل 2 كيلومتر كل ثانية او شحن مدى سير 400 كيلومتر في 5 دقائق فقط ثم حضرنا المؤتمر الخاص بالايفينت.. رحبت من خلاله السيدة ستيلا لي نائب الرئيس التنفيذي لمجموعة BYD بالحضور وأعلنت عن نتائج 2025 والنجاح اللي حققوه من خلال الأرقام لكل العلامات وانتهينا بزيارة المصنع ولقاء خاص مع السيدة ستيلا لي

📌حكتب عن كل نقطة باستفاضة خلال الأيام القادمة📌

👈 بعدها جربنا بعض الموديلات اللي حتنزل مصر زي دولفين سيرف وسي ليون 06 سواء النسخة الكهربا او البلج ان هايبريد.

👈وبما اني اتكلمت عن اول موديل دولفين سيرف.. يبقى نتكلم عن سي ليون 06

👈تاني موديل من BYD نازل مصر عن طريق الوكيل شركة مان دريم هو سي ليون 06.. وطبعا السوق المصري عارفه كويس.. لان الموديل نفسه هو سونج بلس بس نازل بإسم سي ليون 06، وبالتأكيد نازل بروتوكول أوروبي.

📌سي ليون 06 او سونج بلس هو رأس الحربة لBYD في السوق المصري

👈ولو شفنا التراخيص في اكتوبر حنلاقي موديل سونج بلس رخص 286 وحدة.. ومن بداية 2025 لنهاية أكتوبر رخص 906 وحدة.

👈وبالتالي هو اكتر موديلات BYD انتشارا .. مالناش دعوة بF3 خالص.. وبالتالي مع وجود وكيل بحجم المنصور وبسعر منافس أعتقد رقم تراخيص سونج بلس حيتضاعف ومع باقي الموديلات ممكن جدا نشوف BYD ضمن الخمسة الأكثر مبيعا بنهاية 2026.

👈سي ليون 06 او سونج بلس سابقا في مصر.. حينزل بنسختين..او موديلين زي ما تحب تسميهم.. الاول BEV.. وغالبا حتنزل بنفس مواصفات النسخة الأوروبية

👈اما الموديل الثاني بتقنية DM-i ودي زي ماقلت امس النسخة الخاصة بBYD من تقنية الPHEV وده موديل مش منتشر في السوق.. أغلب المستوردين بيفضلوا نسخة الBEV.. لكن وجود الأثنين حيشجع عملاء اكثر على شراء عربيات الطاقة الجديدة NEVs.