اسمه DM-i بمدى سير 2100 كيلومتر 🔥 BYD معندهاش REEV خالص😉اصحى للكلام

👈ناس كتير بتتكلم ان مجموعة BYD بتتقدم موديلات REEV ويبدو ان الأمر اختلط عليهم ، BYD بكل علاماتها معندهاش REEV خالص ، كل موديلاتها BEV و PHEV.. يمكن تطوير تقنية الـPHEV واطلاق اسم DM-i هو سبب الخلط واللخبطة دي.

📌تقنية الـ REEVطاقة الدفع فيها كهربا فقط ، لكن ليه بيتم التفرقة بينها وبين الـ BEV❓

👈لأن فكرة وجود محرق احتراق داخلي ice بيستخدم بنزين لشحن البطارية، فده معناه ان في انبعاثات كربونية ولو بصورة قليلة ، وبالتالي خرج من فكرة الكهربا الخالصة ، وهنا في مصر بيطبق عليه جمارك 10%، زيه زي تقنية الـ e  Power  من نيسان ، والفرق بينهم ان الـ REEVبيقبل الشحن الخارجي لكن الـ e  Power مش بيقبل.

👈أما الـPHEV فيه محرك احتراق داخلي مع محرك كهربائي ، كل واحد فيهم بيحرك العربية منفردا وعليه جمارك 30% في مصر.

👈الشركات الصينية شغّالة على تطوير التقنية دي ، وكل شركة بتطّور حتة بتاعتها وتطلق عليه اسم معين ، زي شيري أطلقوا اسم CSH وفي موضوعنا BYD اطلقت اسم DM-i عليه.

📌طيب.. ايه فكرة الـ DM-iالخاصة بمجموعة BYD❓

👈بشكل بسيط تقنية BYD انها قدرت تقّرب جدا من الـREEV ، اشتغلت على الـPHEV وقدرت انها تخلي محرك البنزين يشحن البطارية وهو بيحرك العربية، وكمان سابت لقائد العربية فكرة تحديد وقت الشحن ، يعني الطبيعي ان البطارية أول ما توصل لـ25% يبدأ محرك البنزين يشتغل ويحرّك العربية ويشحن البطارية ، طيب انت رايح رحلة "تخييم" مثلا ومحتاج كهربا من العربية (تشّغل بيها تلفزيون –تلاجة..الخ) عندك اختيار ان محرك البنزين يشتغل من أول 70% من البطارية.

👈كمان مفيش حد معين لاستخدام محرك الكهربا.. يعني تمشي كهربا بسرعة 10 كيلو وتمشي بسرعة 200 كيلومتر في الساعة

📌طب ده عمل ايه❓

👈خلّى العربية نفسها تعتمد بشكل اكبر بكتير على الطاقة الكهربائية من تقنية الـPHEV العادية ، ووصل مدى سير العربية "تفويلة تانك بنزين + بطارية مشحونة) إلى 2100 كيلومتر باستهلاك 2.6 لتر بس لكل 100 كيلومتر.

مش بقولك 😉اصحى للكلام👌