اسلام حويله يكتب :

مش أقل من 1200 عربية مبيعات BYD شهريا في مصر السنة الجاية

BYD

👈تعالوا نتكلم عن سوق العربيات الNEVs في 2026 وحيحصل فيه ايه بعد نزول BYD بشكل رسمي مع مان دريم إحدى شركات مجموعة المنصور .

👈في الأول مصطلح NEV يعني New Energy Vehicle وهو يشمل عربيات BEV-PHEV-HEV-REEV-FUEL Cell

👈يعني اي عربية بتستخدم مصادر طاقة جديدة سواء كانت بديلة للوقود التقليدي او بتشاركه، والهدف تقليل الانبعاثاث الكربونية ، خد بالك المصطلح ده حتسمعه بإستمرار في 2026.

👈في حوالي 32 موديل NEVs بيتقدم في السوق المصري عن طريق الوكلاء و36 موديل عن طريق المستوردين والتجار..ده بعد استبعاد "الفواخر" BMW واودي وبورشه.

👈ال68 موديل مجتمعين رخصوا عدد 1332 وحدة في أكتوبر،علامة BYD لوحدها بتمثل لوحدها 36.5%منهم وأغلبهم BEV بنسبة 95% تقريبا.

📌ملحوظة: قائمة اكثر 50 موديل مبيعا لشهر أكتوبر مفيش فيها عربية NEV وان موديل سونج بلس رقم 51 بعدد 284 وحدة📌

📌طيب حيحصل ايه لما تنزل BYD رسمي❓

👈من خلال تجربتي للعربيات ولقاءات مسؤولي BYD اقدر أتوقع أن عدد عربيات الNEVs حيوصل ل2500 عربية في الشهر منهم 1200 عربية BYD

📌ليه❓

1️⃣ لأن الطبيعي لما تلاقي اكتر من 500 عميل قرر يغامر ويشتري عربية بدون ضمان ولا صيانة ولا وكيل وكمان بروتوكول صيني "ممكن يقف في أي لحظة"..يبقى ضعف العدد واكتر يتحقق لو كل اللي فات اتغير.

2️⃣ انت بتتكلم عن علامة مش حتتنازل ابدا عن المركز الأول في كل فئة تتواجد فيها.. سألت مسؤول في BYD مين منافسكم المباشر..رد وقالي مالناش أي منافس على الإطلاق⁉️

👈انت بتتكلم عن اكتر من 4 ملايين عربية مبيعات في 2024 واللي وراها علامة تسلا ب1.8 مليون عربية.

3️⃣ كل عربيات BYD المتاحة للتصدير حتنزل مصر، يعني حيكون عندنا مجموعة موديلات كبيرة بتغطي كل الفئات.

4️⃣ مجموعة المنصور بتضم عدة شركات منها المنصور MG اوتوموتيف شوف وصلت بالعلامة لفين⁉️عندها شركة مان ايست وكيل علامة سوايست.. شوف نتائجها في شهرين عاملة إزاي⁉️ فبالتالي شركتها الجديدة مان دريم مش حتكون أقل منهم مع الوضع في الاعتبار اسم وقوة BYD اصلا.

📌السيدة ستيلا لي نائب الرئيس التنفيذي لمجموعة BYD أكدت ان مصر إحدى الدول اللي حيتم إقامة محطة الشحن المتطورة بها اعتبارا من 2026.