دولفين سيرف من BYD في مصر عبر بوابة Man Dream

👈شركة BYD زي ما قلت قبل كده كل عربياتها BEV او PHEV، يمكن كتير من الناس معتقدة انها كهربا بس.

👈 الشركة بتقدم هايبريد بلج ان بتقنية خاصة بيها تحت اسم DM-i..يعني اول ما تشوفها تعرف انها PHEV على طول 

👈 واعتقد ان الوكيل في مصر حيركز على التقنية دي لاكتر من سبب أهمها القلق والخوف عند العميل من محدودية البنية التحتية لشبكات الشحن.. وفي نفس حتوفر الكهرباء حسب اختيار العميل.

👈مهم كمان نعرف انها نازلة بروتوكول أوروبي مش صيني..وده مش مجرد ادابتور زي ما بيتم الترويج ليه.. تفاصيل كتير بتتغير وده بيعمل فرق في السعر تقريبا 15% وانت طالع

👈طبعا كل السوق بمعنى كل السوق منتظر نزولهBYD بشكل رسمي وموديلاتها واسعارها ،لان السوق قبل كده حاجة وبعده حاجة تانية.. وكمان حيحدد على اثره التحول للطاقة الجديدة حيكون بسرعة ولا لأ.

👈اسم  BYD كبير داخل مصر وخارجها.. واستراتيجية الشركة انها تكون رقم 1مش كعلامة لأ..عايزة تكون الأول في كل فئة حتتواجد فيها..وعشان ده يحصل لازم يكون السعر والمواصفات مناسبين جدا.

📌طيب كتير بيسألوا ايه هي الموديلات اللي حتنزل مصر ❓

👈خليني اتكلم عن اول موديل من BYD حينزل مصر مع الوكيل الجديد مان دريم وهو دولفين سيرف BEV وتعتبر اول عربية هاتشباك صغيرة من سلالةOcean.

👈 دولفين سيرف هي اول عربية BYDحيتم تصنيعها في أوروبا وتحديداً في مصنع المجر ،وبالتأكيد حصلت على 5 نجوم في اختبارات السلامة والأمان الأوروبية N-Cap وهي تعتبر عربية مناسبة جدا للمدينة.

👈طبعا في كذا نسخة حسب القوى ومدى السير، وان كنت أتوقع انها تنزل بقوة 97 حصان مع بطارية BYD المعروفة Blade Batteryسعة 44.9  كيلووات بمدى سير 420 كيلومتر.