جيتور وساوايست‼️اللعب بقى ع المكشوف..خلي السوق يحلو

👈في هوجة تخفيضات شهر رمضان كتبت ان جيتور مش حتعمل تخفيضات وحتستنى قبل ما تنزل علامة ساوايست وتعمل التخفيضات كنوع من المنافسة بينهم.

👈وفعلا امس اعلنت "قصراوي جروب" عن تخفيض أسعار لمدة شهر على الموديلات المستوردة "بعيدا عن سلسلة T" وهي نفس الموديلات اللي حتقدمها ساوايست خلال الاسابيع القليلة القادمة.

📌بس العرض تم الاعلان عنه لمدة شهر❓

إقرأ أيضا للكاتب اسلام حويلة :

اندماج شانجان ودونج فينج في كيان واحد "عطّل" اختيار وكيل "حتة الجاتوه"
 

👈ميجراش حاجة، عادي جدا انه يتمد شهر تاني وتالت ورابع بالمناسبة، وعادي برضه انه يحصل عرض على العرض، كلها اساليب تسويقية، وطالما في مصلحة المستهلك فـ"تعظيم سلام".. ومتنساش ان الدولار في النازل وكمان عودة الشحن للبحر الأحمر وفّر كتير.

👈طب انت متوقع ساوايست حتعمل ايه❓

👈الشركة الجديدة وكلاء ساوايست حيعلنوا عن الوكالة رسميا خلال أيام ، وأعتقد ان الغرض من الاعلان تقديم خدمات مابعد البيع وطمأنة العملاء القدامى، واعتقد ان طرح الموديلات حيكون نهاية يونيو او اول يوليو.. ووقتها حنعرف الوكيل الجديد حيعمل ايه❓

👈انت عمّال تقول شركة جديدة ووكيل جديد.. ما تقول المنصور للسيارات❓

👈عشان أكون دقيق في كلامي.. المنصور للسيارات ككيان ملوش أي علاقة بعلامة ساوايست، أيوة الوكيل شركة تمتلكها عائلة "منصور" لكن بكيان واسم ومقر وادارة مستقلين تماما عن المنصور للسيارات.

إقرأ أيضا للكاتب اسلام حويلة :

رئيس شيري انترناشيونال يجاوب على سؤال : Too many Brand❓
 

👈اللي عاجبني في الموضوع انها يمكن المرة الأولى من زمان أوي اننا نشوف منافسة "طاحنة" لمصلحة العميل والمستهلك، مش بس بين شركات تجميع محلي ومنتجات، لأ ده نفس المنتجات بعلامتين مختلفين.

📌معنى كده الواحد ينتظر ويشوف وميشتريش❓

👈ماهو لو اخدنا الموضوع كده محدش حيشتري خالص، لأن كل شهر جاي حيكون فيه عربيات جديدة، والجديد لازم ينزل بمميزات جديدة سواء كسعر أو خدمات.

👈يعني مثلا الشكل الصندوقي المميز جدا لسلسلة T من جيتور.. مطلع 2026 حتلاقي 4 أو 5 موديلات من علامات مختلفة نازلة بيه، ومش بنزين بس ،حتلاقي كهربا و REEV وهايبريد بانواعه.

📌بالمناسبة.. سعر جيتور X70 plus  المجمعة محليا منافس فعلا.. وتقريبا برضه في حدود الـ19% انخفاض من سعر المستوردة "قبل العرض"