داستر الجديدة كليا‼ مدرسة رينو الواقعية بدون فلسفة او مبالغة

لو مهتم بالأدب ومدارس الروائيين فتقدر تشبه شركات السيارات بالمدارس دي، يعني ممكن BMW بتمثل الواقعية السحرية، مرسيدس المدرسة الكلاسيكية ، تويوتا المدرسة الرمزية.. ورينو المدرسة الواقعية.

👈رينو تحس انها من الشركات العملية جدا والواقعية ، دايما شغّالة ع الأرض، بتشوف الناس عايزة ايه وتوفره بدون فلسفة ولا مبالغة.. ويمكن ده السبب ان رينو مشاكلها أقل من الشركات التانية.

👈رينو عندها علامة داسيا الرومانية، اشترتها وطورتها وفضلت محافظة على هويتها، ويمكن هي اللّي خلّت رينو واقفة على رجلها وسط انهيار شركات تانية.

👈لوجان وستيب واي وسانديرو وداستر، عربيات كلها سابت بصمة في السوق المصري، كلهم من علامة داسيا ، حتى لو بتنزل في أسواق تانية تحت اسم رينو زي السوق المصري ، لكن تفضل رينو وداسيا من أنجح الصفقات في تاريخ السيارات.

👈لمّا كنت في معرض باريس وشفت جناح شركة داسيا والأجيال الجديدة من داستر وسانديرو وستيب واي وغيرها، كنت بسأل .. هي العربيات دي حتنزل مصر امتى؟

👈وبعد شهور.. أخيرا حنشوف أول موديلات داسيا المطّورة بكرة في حفل اطلاق رينو داستر الجديدة، اللي حتنزل بمحرك 1.3 لتر توربو مع ناقل حركة 6 سرعات، يعني عربية جديدة

👈من أسابيع قليلة قلت لبعض الأصدقاء ان رينو حتنتهي في مصر ، أسعار غالية وموديلات محدودة ومش حتقدر تنافس ، لكن اللي حصل الفترة اللي فاتت كان مفاجأة بالنسبالي.. رينو مصر قدرت "تلم" المسألة بسرعة جدا ، عدّلت سعر تاليانت وسابت مساحة ان كارديان تنزل بتسعير محترم ، عملوا عروض على داستر الشكل القديم وباعوا كل الكمية، عملوا عرض تمويلي على اوسترال ، كل ده خلال شهرين اثنين بس.

👈وده يخليني أقول ان داستر الجديدة حتنزل بسعر مميز، آداء الشهرين الماضيين بيقول كده ، واعتقد انها حتنزل برضه بثلاث فئات بسعر يبدأ من مليون و200 ألف جنيه والفئة الأعلى بمليون 350 الف جنيه

👈بالمناسبة.. لوكا دي ميو رئيس رينو التنفيذي انا شايفه أفضل رئيس شركة سيارات في العالم حاليا.. أكبر غلطة عملتها نيسان انها انفصلت عن رينو