هو فرض جمارك 25% على العربيات في امريكا مهم أوي كده❓ حنشوف‼

لو متابع الأخبار الاقتصادية حتلاقي ان قرار ترامب بفرض رسوم جمركية 25% على العربيات المستوردة قالب الدنيا، وحاليا شركات العربيات الكبيرة "بتطلم" ومش عارفين لسه حيواجهوا الأزمة دي إزاي.

نشوف شوية معلومات

في سنة 1994 دخلت اتفاقية التجارة الحرة في امريكا الشمالية حيز التنفيذ، وده خلّى أغلب الشركات العالمية تجري على المكسيك وتبنى مصانع هناك، المسافة بينها وبين السوق الأمريكي كلام فاضي، وايادي عاملة رخيصة جدا، حتى الشركات الأمريكية ذات نفسها زي جنرال موتورز وكرايسلر(ستيلانتيس) فتحوا مصانع هناك.

👈مصانع المكسيك صدّرت للولايات المتحدة في 2024 حوالي 2.5 مليون عربية، من كل الأنواع.. يعني المؤكد ان الرقم "حيتهبد" في 2025.

👈السوق الامريكي نفسه سوق استهلاكي ضخم جدا، حجم مبيعات العربيات الجديدة في 2024 وصل لحوالي 16 مليون وحدة، استوردوا عربيات ركوب بـ220 مليار دولار.

👈طبعا أكتر شركات حتتأثر بالقرار ده الشركات اليابانية، لأن مبيعاتهم في السوق الامركي كبيرة جدا.. تعالى نشوف:

📌تويوتا في السوق الامركي باعت في 2024 حوالي 2,332,623 عربية ،من اجمالي مبيعات عالمية 10.8 مليون عربية يعني اكتر من 20%.

📌نيسان باعت في 2024 حوالي 3,144,470 عربية منهم 924 ألف في السوق الأمريكي يعني تقريبا 30%.

📌هوندا باعت 1,423,857 عربية في امريكا من اجمالي مبيعات 3,733,602 عربية ،يعنى اكتر من 35% من مبيعات هوندا في السوق الأمريكي.

📌سوبارو باعت 938 ألف عربية عالميا في 2024، منهم 668 ألف في السوق الامريكي يعني أكتر من 70%.

وحتى الشركات الاوروبية والكورية اكيد حتتأثر، عندك مثلا :

📌مجموعة فولكسفاجن باعت في 2024 حوالي 9 مليون عربية منهم 1.06 مليون في الولايات المتحدة بنسبة 11.78%.

📌مبيعات هيونداي في 2024 بالسوق الامريكي حوالي 836,802 وحدة، من اجمالي مبيعات عالمية 4.14 مليون وحدة بنسبة 20.5%.

👈طبعا الشركات الصينية كلها على بعضها مكملتش مبيعات 100 ألف في 2.024 في السوق الامريكي، فمش متاثرين خالص، صحيح المستقبل كان ليهم، لكن ممكن تعتبر ده قرار استباقي وكله عشان خاطر عيون ايلون موسك.

طب ده تأثيره ايه بشكل عام وعلى مصر❓

نكمّل بعدين