شيفروليه أوبترا ‼ النجاح ترجمته مبيعات تناسب الاسم مش "صياح" ع الفيسبوك

👈كنت ناوي اتكلم عن التجميع المحلي وفكرة التصدير والضغط على الدولار ودور الدولة في المسألة، بس لقيت ان التوقيت حيبقى أفضل بعد تريند شيفروليه أوبترا اللّي حيتم الكشف عنها بكرة واعلان مواصفاتها وأسعارها.

👈ناس كتير مستغربة اني قلت على اوبترا واحدة من "العتاولة" ، مع احترامي لكل الآراء بس دايما انا بتكلم عن واقع عايشينه مش "صياح" فيسبوكي، بتكلم عن أرقام رسمية للمبيعات ،بناء على تراخيص المرور ، مش مجرد بيان من وكيل أعلن انه باع كذا ، ماهو باع للموزعين، والموزعين مخازنهم"متلتلة"😎👈

👈وفي نفس الوقت شايف الأرقام كلها قدامي، فلمّا بقول عن عربية باعت كتير في الشهر الفلاني، بيبقى مبيعاتها غير معتادة، مع مقارنتها لمنافسين في نفس الفئة مع الوضع في الاعتبار اسم الوكيل والعلامة وتاريخها في مصر.

إقرأ أيضا للكاتب اسلام حويلة : 

الأموال الساخنة بـ"تخلع" من العربيات.. وحرق الأسعار حيبقى ع المكشوف
 

👈يعني مثلا لمّا علامة اكسبنج تبيع 60 عربية في الشهر، فهنا لازم الاحظ واسأل ليه المبيعات زادت ❓ حضرتك ممكن تشوف الرقم ضعيف، لكن باعتبار العوامل اللي ذكرتها، وكيل اول مرة يدخل السوق، عربيات كهرباء، غالية، مفيش تاريخ ليها بره ولا جوه..ده انجاز حقيقي.

👈لكن لمّا مثلا نيسان صني تبيع 700 عربية في الشهر، برضه لازم اسأل ايه الحكاية ، ليه الهبوط الكبير ده..و.. الى آخره..

👈طب نرجع لمرجوعنا، اوبترا واحدة من "العتاولة" طبعا بناء على مبيعات الاجيال السابقة والتاريخ واسم المنصور للسيارات وتجميع محلي وعوامل كتير جدا.

إقرأ أيضا للكاتب اسلام حويلة : 

لمّا السوق كله بقى فتوات ..أومال مين اللّي هينضرب؟!
 

ناس كتير بتقول اصل اوبترا الجيل اللي فات محققش نجاح⁉ بأمارة ايه‼

ما احنا قلنا.. النجاح ترجمته مبيعات تناسب الاسم والوكيل والتاريخ.. والجيلين اللي فاتوا باعوا لمّا شبعوا.

👈ودي عربية متوقع ليها في الـ11 شهر الجاي تبيع 4 أو5 آلاف عربية ، مقولتش عن اكسيد كده، لان انا متوقع مبيعاتها يا دوب تعمل 500 عربية في السنة، وده بالمناسبة لو حصل تبقى كسرت الدنيا.. عربية واقعة في فئة سعرية صعبة جدا، بس وكيلها بقاله 50 سنة بيبيع مرسيدس ، يعني يعرف العميل وابنه وحفيده كمان، فوكيل زي "ناتكو" ميبعش 500 عربية في السنة⁉ يبطّلها أحسن‼