احنا آسفين يا" صني".. والثلاثة الكبار مش من فراغ

بعض الأعزاء اتكلموا في لفظ الثلاثة الكبار اللي بستخدمه باستمرار على الوكلاء في مصر ، وان في وكلاء زعلوا بس انا بتكلم منن واقع أرقام سوق مش من أي زاوي تانية، نيسان مثلا في 2024 مكنتش من الكبار لكنها فرضت نفسها في 2025.

وعشان الأمور تكون واضحة انا بتكلم عن أداء علامات ومين وكلاءها، وارد طبعا يدخل استيراد شخصي ورمادي تحت تراخيص علامة ما فايه علاقة الوكيل بده❓

دايما اقول ان الاستيراد الشخصي أو الرمادي بيعتمد على اسم العلامة والموديل، واللي بيصنع ده الوكيل.

عشان كده حنلاقي ان أغلبية ارقام الاستيراد متثملة في علامات موثوقة وفي موديلات مستقرة و"بياعة"⬅زي مرسيدس وكيا، وعشان أوضح ليه لفظ "الثلاثة الكبار" فتعالوا نشوف نسبهم من السوق كله في 2025 عاملة ايه❓

1️⃣علامات مجموعة غبور رخّصت  عدد 44433 وحدة بنسبة 21% 
2️⃣علامات مجموعة المنصور رخّصت  عدد 35861 وحدة بنسبة 17%
3️⃣علامة نيسان "لوحدها" رخّصت عدد 22504 وحدة بنسبة 12% خد بالك من كلمة "لوحدها"

وارد النسب تتغير في 2026 وان كنت اشك في ده،

نروح للنقطة التانية.. نشوف ترتيب الموديلات الملاكي الزيرو الاكثر ترخيصا في 2025 "الجدول المرفق"

خلاص نيسان صني اعتبرها "الهرم الرابع"، وكنت كتبت في نهاية 2024 انى متوقع ان هيونداي AD تبقى رقم 1، ويبدو ان الكلام "معجبش" نيسان مصر ، فردوا بشكل عملي⬅17794 عربية، ودي مفهاش استيراد شخصي ولا حتى جماعي، "احنا آسفين يا نيسان".

بستغرب من الكلام على جيل جديد منها، ماهي ماشية ومكسرة الدنيا.. يغيروا الشكل ليه❓

ملاحظة تانية مهمة⬅شيفروليه اوبترا من أول سنة في المركز السابع، وانصافا همّا 11 شهر بس ،لانهم نزلوا في يناير وملحقوش يرخصوا في نفس الشهر، مش سهل ابدا انك تنزل بعربية وتبقى سابع من اول سنة، مكنش حد غلب‼️

يتبع >>>