اسلام حويلة يكتب :

هل علامة AVATR ح تنجح مع قصراوي جروب❓

Avatr 12

👈هل العلامة دي ح تنجح❓ده سؤال بتسأله باستمرار مع اي علامة أو عربية نازلة السوق، أحيانا السؤال بيبقى مرتبط برغبة تاجر ما انه يدخل ضمن شبكة التوزيع الرسمية للعلامة، وبالتالي للإجابة على السؤال ده لازم نفهم ايه المقصود بكلمة نجاح❓

👈هل هو مرتبط بتحقيق كم كبير من المبيعات❓برضه ده يتوقف على العلامة وعلى العربية وسعرها والفئة اللي بتنافس فيها.

👈في الغالب النجاح عندنا مرتبط بمبيعات كتير، يعني العلامة او العربية لازم تبقى ظاهرة في الشارع عشان نقول انها نجحت، لكن النجاح بالنسبة للوكيل مختلف خالص عن التفكير ده.

👈انت وكيل لعلامة محقق "التارجت" بتاعك واللي متفق عليه مع الـOEM ❓يبقى المفروض انك ناجح ، محقق أرباح ممتازة❓ فالمفروض انك ناجح، تبيع كام واد ايه ده تقييم اللي قاعد بره ع الشط بيتفرج، لا هو عارف التارجت كام ولا الوكيل كسب كام❓

👈ممكن تشوف ان وكيل ما باع 50 عربية بس في الشهر ، يعني تقريبا متوسط 600 عربية في السنة ، وهو "التارجت" بتاعه 400 عربية، الوكيل ده بيتم تكريمه انه محقق مبيعات كبيرة من الشركة الام.

👈ولو مكسبة 200 ألف في العربية يبقى كل شهر كسبان 5 ملايين جنيه في جيبه ، تيجي وانت قاعد ع الكنبة سعادتك وتقول العربية فشلت.

👈في حين ان وكيل بيبيع 1000 عربية في الشهر وتارجته 1200 عربية ،و مكسبه 4 ملايين بس ، فهو فشل فعلا في تحقيق "التارجت" ، في حين انت بتقول على العلامة انها نجحت.

👈والأمثلة كتير جدا ، انت تقعد مستغرب ليه الوكيل ده مكمّل ومبيعاته ضايعه بحساباتك ، لأ هو زي الفل ومبسوط جدا ومش عايز يوجع قلبه، مبيعات كتير يعني صالات عرض ومراكز خدمة وموظفين ومصاريف.

📌طب يا ترى أفاتر ح تنجح مع قصراوي جروب❓

تاني⁉️

📌بس عشان هي أحدث علامة نازلة السوق يوم 27 انا حقولك على 3 أرقام محتملة للـ"تارجت" ، وكل حالة ممكن يحصل فيها ايه