اسلام حويلة يكتب :

الـTOP 20 في أكتوبر⬅️بايك U5 Plus الرابع ع السوق👌لمّا تتجمع محلي حيحصل ايه⁉️

Top 20 في شهر أكتوبر

في 29 مايو 2024 تم تقديم علامة بايك مع الوكيل الجديد ألكان اوتو، وتم تقديم موديل U5 Plus بسعر 800 ألف للفئة الأولى و 900 ألف للتانية، بعدها بـ3 شهور زادت العربية 25 ألف جنيه، وبعدها بـ3 شهور تاني في نوفمبر 2024 زادت 50 ألف جنيه عشان سعرها يوصل للفئة الأولى 875 ألف جنيه.

وبانتهاء 2024 كان عدد تراخيص بايك U5 Plus في الستة شهور 222 وحدة بس.

مع عروض رمضان 2025 ، تم خصم 75 ألف جنيه على U5 Plus عشان يرجع السعر زي ما اتقدمت بيه 800 ألف جنيه ، ومع السعر ده كان متوسط تراخيص U5 Plus في الشهر 220 عربية (حال توافر العربية) ، لكن في نص سبتمبر حصل تخفيض 50 ألف جنيه عليها وده خلاها بلغة السوق "طايرة".

طب انا بقول كل الكلام ده ليه❓

لأني شايف انه نموذج للتعامل مع الـOEMs، التخفيض ده عمره ما كان حيحصل إلا بمفاوضات مجهدة مع الشركة الأم، وتحمّل خسارة لوقت طويل عشان تقدر تاخد سعر يقبله السوق وتكون مبيعاتك كبيرة وتقدر انك تنتزع مكان وسط الكبار

لأول مرة بايك تكون ضمن الـTOP 10 وكمان في المركز الرابع، وده تحدي جبّار بصراحة لشركة ألكان أوتو، انهم يقدموا العربية بالسعر ده، انت متخيل بعد التجميع المحلي سعرها مفترض يكون كام❓

📌ملحوظة : " لسة متمش الاعلان عن توقيت مبدئي للتجميع"

شانجان CS55 Plus قلت انها أفضل عربية قيمة مقابل سعر، وصولها للمركز الخامس من وجهة نظري اتأخر شوية، مكانها الطبيعي رقم 3 بعد صني وAD.. ومتوقع ده يحصل في 2026

📌بالمناسبة.. قايمة TOP 20 مفيهاش أوروبي غير كودياك وتيجوان، وده انجاز فعلا.