نظام Crab Walk من BYD🔥أسهل ركنة في التاريخ🔥

👈زي ما انتوا شايفين الجو كان عامل ايه واحنا في تراك BYD في مدينة Zhengzhou في الصين مع مجموعة المنصور، من ضمن التكنولوجيا كان اختبار نظام "المشي الجانبي" أو "Crab Walk Mode"اللي موجود في Denza Z9 GT.

👈وسريعا كده Denza علامة فاخرة من مجموعة BYD بدأت بالتعاون مع مرسيدس بنز وبعد كده بقت ملكيتها بالكامل لـBYD.

📌إيه بقى حكاية الـ Crab Walk❓

👈المشي الجانبي خاصية بتخلي العربية تتفادى مشكلات ممكن تواجه أي حد سايق عربية كبيرة، زي مثلا المشي في مسار ضيق جدا أو الركنة في الأماكن الضيقة.

📌بتعمل إيه بالظبط❓

👈العربية بتتحرك بشكل مايل أو جانبي، كأنها بتزحف زي الكابوريا "Crab".. يعني بدل ما تعمل شوية مناورات عشان تركن على الرصيف، ممكن العربية كلها تتحرك في خط مائل وتركن بسهولة.⬅️انتوا عارفين عندنا الركنة بتبقى صعبة حبتين لناس معينة.

👈القصة كلها في نظام التوجيه الرباعي (Four-Wheel Steering) المتطور، العجل الأمامي والخلفي بيشتغل مع بعض.

👈في العربيات العادية، العجل اللي ورا ثابت، لكن هنا العجل اللي ورا بياخد أمر إنه يتجه في نفس الاتجاه اللي العجل الأمامي رايح فيه ، أو يتجه لزاوية محددة لوحده مع ثبات العجل الأمامي.

📌طبعا ده بيشتغل بشكل اوتوماتيك بس أهم حاجة سرعتك متزيدش على 18 كيلومتر في الساعة ⬅️في فيديو تاني وانا جوه العربية"

👈طبعا الخاصية دي مرتبطة بأدث أنظمة BYD زي نظام DiSus للتحكم في ثبات وهيكل العربية والحركة الكهربية"حتكلم عنه في بوست لوحده" يعني العربية بتعمل الحركة دي بأمان وثبات عالي جدا.

📌طب هل موديلات BYD حيبقى فيها النظام ده❓

👈بالتأكيد حاليا لأ بس كلها كام سنة وحيبقى موجود، فاكر لمّا نزل الزجاج الكهربا كان عامل ايه❓وحاليا مفيش عربية مفيهاش زجاج كهربا

لمشاهدة فيوديو التجربة الكاملة اضغط هنا
 

في المؤتمر الصحفي السيدة ستيلا لي نائب الرئيس التنفيذي قالت : BYD IS CHANGING THE WORLD