هل أصبحت العلامات الأوروبية عبء على الموزعين والتجار؟

👈من بداية 2025 ولغاية النهاردة استقبل السوق 12 علامة جديدة بمجموع 40 موديل ، 6 علامات كهرباء والباقي متنوع ،11 علامة من الصين وعلامة وحيدة من كوريا (جينيسيس)، طبعا مينفعش نتكلم أو نحلل أداء أي علامة منهم، لسة بدري

👈لكن لمّا تعرف ان بنهاية السنة حتنزل افاتر و DFSK ولسة في 2026 حتنزل BYD وغيرها وكله من الصين ،يتبادر في ذهنك على طول، طب وبعدين❓وهل السوق يقدر يستوعب كل العلامات والموديلات دي❓

📌بس السؤال الأهم من ده هو ايه العلامات الأوروبية رايحة فين❓

👈أي وكيل حتسأله حيقولك ان كله زي الفل وتمام التمام، لكن الحقيقة في الأمر ده تقدر تستخلصها من الموزعين والتجار، لأن الوكيل في النهاية بيجيب طلبياته ويوزعها على الموزعين ، والموزعين يبيعوا جزء والباقي بيتوزع ع التجار.

👈الحقيقة ان العلامات الأوروبية بقت عبء وكابوس حقيقي على الموزعين، وفي موزعين "بتتحايل" على تجار كتير ياخدوا عربيات بسعر "محروق" ، لأن تجميد "الفلوس" فترة طويلة ده لوحده أصلا خسارة.

👈صحيح ان أي موزع حيقول كلام رسمي غير ده خالص، لكن بينهم وبين بعض كله "بيشكي".

📌بس ارقام التراخيص بتقول انهم ماشيين كويس❓

👈سيبك من أرقام التراخيص لأنها مش حتوضح أبدا هل العربية استيراد ولا وكيل؟ ومهم اننا نعرف ان ع الأقل في متوسط 40% من أرقام تراخيص العلامات الأوربية جاية استيراد شخصي أو مبادرة، وبقول متوسط لأن مثلا علامة زي مرسيدس فيها 80% استيراد (ده كلام مسؤول كبير في مرسيدس نفسها)، مرسيدس عندها حوالي 6 موزعين ، لكن مفيش معرض في مصر مفيش فيه عربيات مرسيدس معروضة.. وفي المقابل علامة زي أوبل مثلا نسبة الاستيراد تكاد تكون منعدمة.

👈الفارق بين العربية الصيني والعربية الاوروبي في السعر كبير جدا ، ورغم العديد من السلبيات في الصيني يفضل فارق السعر عامل مرجح.. الناس حتعمل ايه❓

📌انت متخيل لو مفيش صفر جمارك ع الاوروبي كان الوضع حيبقى ايه❓

👈لكن تبقى الحقيقة المؤكدة ان سعر الصيني والأوروبي لو مقارب ، محدش حيشتري صيني رغم احترامي للي وصلوه