تستنى ليه حد يقولك ويوجهك ما عندك LDX تجرّب بنفسك وتقارن وتختار بمزاج

👈من 10 سنين كنا لمّا نحضر تقديم علامة أو عربية جديدة بنركّز في التجهيزات، كنت تقدر تقول على عربية ان فيها ميزات عظيمة، زي مرايا ضم كهربا، فيها ESP ، فتحة سقف بانوراما ، ده غير بقى لو فيها نظام أمان زي الـ CBC يا سيدي، تبقى العربية حكاية..

👈أمّا حاليا فكل العربيات بقت زي بعض في التجهيزات، يعني مثلا يبقى عيب لو عربية نزلت من غير شاحن لاسكلي، الشنطة مش كهربا، مفيهاش ميموري للكراسي.. في الغالب بيببقى فيها كل حاجة لأن كل الشركات بستعرض الفئة الأعلى.

👈طبعا لو نقلنا على الكهربا فدي قصة تانية.. البطارية من CATL في الغالب، السيستم من هواوي في المعظم، ده غير ان كل جزء في العربية همّا 3 موردين للشركات الصينية كلها مثلا.

👈وبالتالي بقى السعر هو الأساس في اختيار العربية سواء سعر العربية أو سعر إعادة البيع ، وبعدها ييجي اسم الوكيل وبعده شكل وتصميم العربية.

👈ورغم ده بتلاقي دايما العميل في حيرة من أمره ، وبيقعد يتفرج ويقرأ ويسأل من أحسن ومين أفضل..ممكن نقول على التوصيف ده شر لا بد منه.

👈ع المستوى الشخصي دايما بقول لأي حد بيسألني دي ولا دي❓اقوله النصيحة الأفضل والأعظم🔥 جرّب العربيتين التلاتة اللي محتار فيهم بنفسك🔥سوقها وبعدها حتلاقي نفسك ميّال لواحدة فيهم.

👈لكن الحقيقة ان تجربة العربيات مش متوفرة دايما لا عند الوكيل ولا عند الموزعين ، ولو لقى عربية ممكن يجربها حيلاقي العربية التانية مش متاحة.

📌معرض LDX لتجارب القيادة ، فكرة عظيمة فعلا، وفرصة المفترض أي حد عايز يشتري عربية يعمل حسابه انه يروح ويجرّب كل العربيات المحتار فيها ، الدخول مجاني والتجربة مجانية وعلى مدار 4 أيام في مدينتي أمام Open Air mall.. يعني ليه تستنى منى أو من غيري ترجيح كفة عربية عن التانية وانت عندك فرصة تسمع نفسك وتشوف بعينك⁉