الأوروبي حيفضل دايما أوروبي.. الـTop 10 في تراخيص مايو

حتفضل العربيات الأوروبية ليها نكهة مختلفة، احتمال ده يتغيّر الفترة الجاية مع انتشار العربيات الكهربا، لكن عندي قناعة ويقين ان أي عميل مصري لو عنده رفاهية الاختيار بين الأوروبي وأي عربية تانية، حيختار الأوروبي بدون تفكير.

ابرز الملاحظات عن تراخيص الأوروبي :

رينو داستر اتقدمت يوم 19 مايو في مصر، ولو استبعدنا ايام العطلات الاسبوعية، فتكون رخّصت 110 عربية في اسبوع واحد.

كوبرا تيرامار رخّصت 159 عربية.. كوبرا بشكل عام في اعتقادي واحدة من أفضل 3 علامات أوروبية .. عربياتها مينفعش تتقارن.. زي ما تتكلم عن Lynk&Co وتقول انها متتقارنش بالصيني.

علامة ميني رخّصت 54 عربية منهم 37 كانترى مان ، رقم جيد جدا مقارنة بمتوسط مبيعات ميني في مصر.

إقرأ أيضا للكاتب اسلام حويلة : 

خد بالك 📢السوق بعد 18 يونيو حاجة تانية 🔥شانجان ح "تولعها"🔥
 

تراخيص العربيات الأوروبية في شهر مايو تصدرتها فيات تيبو بـ508 عربية، وفيات 500x جت في الترتيب العاشر من الـTop 10.

وباين من التراخيص ان طول ما وكيل فيات بيقدر يوفر عربيات، فأي كمية حيجيبها ح تتباع، مانيوال أو اوتوماتيك.

تيجوان وكودياك محافظين على أداؤهم تقريبا زي ماهو لأكتر من سنة ، دايما في الـTop 10 مع اختلاف المراكز كل شهر.

بيجو 3008 في الترتيب الرابع بـ267 عربية ، مرسيدس بالفئة C و E الخامس والسادس، وأوبل جراند لاند 229 عربية من 55 في أبريل الماضي رغم زيادة سعرها والاوفر برايس اللي عليها.

بالمناسبة.. في موديل من الـTop 10 في الرسم التوضيحي مش حينزل مصر تاني