ستروين C4X المجمّعة محليا؟ أوعى تستنى سعرها ينزل اكتر من 100 ألف جنيه!!

يوم 28 نوفمبر اللي فات كتبت ان ستروين C4X حتتجمع في مصر ، كنت اول من نشر وكتب عنها -اللينك في التعليقات- وبما ان اطلاق العربية الثلاثاء القادم فقلت اتكلم عنها شوية وعن سعرها المتوقع

👈العربية كانت بتتقدم في فئتين الأولى بسعر مليون و450 ألف والفئة الثانية بسعر مليون و590 ألف جنيه، طبعا لموديلات 2025.. في مصر المجمع محليا حينزل موديلات 2026.

إقرأ أيضا للكاتب اسلام حويلة :

ناتكو وعلامة Neta الجديدة وترخيص 20 موديل X‼️ لسة في جديد جاي
 

👈خد بالك العربية وهي مستوردة زيرو جمارك، وهي مكونات بتدفع 5% جمارك ، وبرضه عشان تبقى عارف القاعدة كويس، أي عربية مستوردة بالكامل الطبيعي انها تكون أرخص من التجميع المحلي، وده لعدة أسباب منها مثلا قلة سعر مكونات الانتاج وده راجع للكميات الضخمة اللّي بيتم انتاجها بره مقارنة باللي بيتم انتاجه في مصر.

👈برضه خلي في اعتبارك ان الشكل الحديث هو اللي نازل مش الشكل الحالي القديم، ومعروف طبعا ان كل شكل جديد بينزل بيكون أغلى من اللّي قبله.

📌ومتنساش ان سعر اليورو زاد وتجاوز 58 جنيه

👈طبقا لما فات.. ممكن ستروين C4X المجمعة محليا يتم طرحها بسعر كام❓

👈أعتقد ان الوكيل "قصراوي جروب" ممكن ينزل كحد أقصى 100 ألف جنيه من سعرها الحالي، يعني تبدأ بسعر مليون 350 ألف جنيه.

اللي عايشين في "مية" البطيخ يمتنعون

إقرأ أيضا للكاتب اسلام حويلة :

كوبرا تيرامار.. آخر نسخة بنزين حتشوفها في مصر‼ الجاي كله كهربا

👈ستروين C4X متقدرش تحكم على أداءها في 2024 بسبب الاستيراد والـ Acid number واللخبطة اللّي حصلت ، ممكن لو حنشتغل على أرقام 2024 حناخد شهر يناير وديسمبر بس باعتبارهم كانوا الأكثر استقرارا في السنة.

👈متوسط مبيعات الشهرين دول كان 167 وحدة ، واجمالي تراخيص 2024 كان 860 عربية ، طبعا في 2025 ممكن تعتبر ان دي بواقي المستورد وبرضه مينفعش نقيس عليهم.

👈طب لو افترضنا انها نزلت الـ100 ألف جنيه،ممكن تبيع كام عربية في السنة❓

👈لو الانتاج مستمر ومشفناش قصور بسبب "نقص" مكونات الانتاج 📌 الأزمة اللي بتواجه كل المصنعين حاليا📌 اعتقد ان الوصول لمتوسط 250 عربية في الشهر حيبقى هو أفضل التصورات.