ناتكو وعلامة Neta الجديدة وترخيص 20 موديل X‼️ لسة في جديد جاي

علامة Neta الكهربائية الصينية كانت أعلنت من سنة بالظبط عن توقيع عقد مع شركة ناتكو لتوزيع عربياتها في مصر، وأعلنت في نفس الخبر ان الربع الأخير من 2024 حيكون موعد اطلاق الموديلات في مصر، ويبدو ان مسألة الاعلان بقى على الأبواب.

في التقرير حتلاقي ان في 20 عربية اترخّصت من موديل Neta X في مارس، طبعا العدد ده كبير سواء على تقديم العلامة أو حتى عمل اختبار قيادة، ووارد طبعا يكون احد المستوردين جاب العلامة وباعها، بس مش عارف مستورد مين ممكن يجيب 20 موديل من علامة أول مرة تدخل مصر وبالكمية دي ويبيعهم.

👈ونكمّل مع ناتكو وكيل علامة اكسيد، اللّي رخّصت 41 عربية في مارس منهم 29 موديل RX و12 موديل VX ، ويبدو ان الاعلان عن توافر موديل VX سيتم قريبا

👈طبعا من الملاحظات انك حتلاقي فيات 500x مرخّصة 522 وحدة في مارس وبقت رقم 4 على سوق الملاكي في مارس ، خلينا نفتكر ان الموديل ده نزل بسعر مليون و90 ألف جنيه وبعد 3 ايام زاد مليون و140 ألف جنيه.. الارقام بتقول ان الاقبال هايل.

👈ستروين C5 صاحبة اكبر خصم سعري حصل في مارس، زادت تراخيصها من 37 عربية في فبراير الى 145 عربية في مارس.. تقريبا 4 أضعاف

بايك U5 Plus بعد توافر العربية والخصم السعري عليها زادت تراخيصها من 51 وحدة في فبراير الى 201 عربية في مارس.

بكرة نكمّل باقي الملاحظات ونشوف ستروين C4X اللّي حتنزل خلال أيام تراخيصها كام في 2024 والربع الأول م 2025

بالمناسبة .. علامة اكسبنج رخّصت 41 عربية منهم 16 G6 و 17 G9 و8 P8

علامة زيكر رخّصت 31 عربية منهم 19 من موديل 01 و8 من موديل X

لكن تفضل مرسيدس EQE هي الأكثر ترخيصا لموديلات الكهربا في مارس بعدد 43 عربية و BYD Song L بعدد 40 عربية.