هل وجود AVATR مع وكيل رسمي حيفرق كتير في المبيعات؟

👈علامة AVATR رخّصت في أول 10 شهور من 2025 عدد 297 وحدة، أكتر من نصهم AVATR 12  بعدد 169 وحدة، أمّا AVATR 11 فرخّصت عدد 69 وحدة..الباقي كان AVATR 7 ودي "قصراوي جروب" مش حتقدمها يوم 27 الجاي.

👈موديلاتAVATR  متوفرة عند التجار "استيراد" بشكل كبير وملحوظ

📌موديل AVATR 12 "يصنّف سيدان" أعلى فئة سعرها 3 مليون و250 ألف جنيه

📌موديل AVATR 11 "يصنّف SUV " بينزل بفئتين 4X2 بسعر 3 مليون و 4X4 بسعر3 مليون و250 ألف جنيه.

👈طبعا في فئات أقل موجودة في السوق بس خليني اتكلم عن أعلى فئات باعتبار العميل عايز الأعلى تجهيزا.

👈اتجاه العملاء في العالم وفي مصر الاتجاه نحو الـSUV ، بس في حالة AVATR حنلاقي ان تراخيص موديل 12 السيدان حوالي 3 اضعاف موديل 11 الـSUV ، رغم انهم بنفس السعر.

📌المنافس المباشر لـ AVATR 12عالميا وفي الصين Zeekr 01 ،الّلي أعلى فئة في مصر بسعر 3 مليون جنيه عن طريق الوكيل.

1️⃣الواقع بيقول ان AVATR 12 استيراد ،بروتوكول صيني ،من غير وكيل ولا ضمان بترخّص (82 وحدة) اكتر من ضعف تراخيص Zeekr 01 (34 وحدة) في آخر 3 شهور.

📌  مؤشر ان تصميم AVATR 12 الداخلي تحديدا هو العنصر الأساسي والحاسم في ترجيح كفتها لأن التصميم الخارجي متشابه لحد كبير مع Zeekr 01.

📌طيب هنا احنا قدّام عميل دفع اكتر من 3 مليون جنيه في عربية زي ما قلنا ،بروتوكول صيني ومن غير ضمان ولا وكيل، وهو عارف كويس انه حيخسر 50% من سعرها لو قرر يبيع.

2️⃣مؤشر إن المستوردين عندهم قوة تسويقية كبيرة ، وأسسوا مفهوم ان العربية الكهربا "مبتعطلش"، لا محتاجة ضمان ولا صيانة اساسا وحتى البروتوكول الصيني كلها "ادابتور" وتخلص المسألة.. والدليل العربيات بقالها اكتر من 4 سنين شغّالة وزي الفل.

📌طب هل وجود العلامة مع وكيل رسمي حيفرق كتير في المبيعات❓