بشحنة بطارية واحدة🔥 BMW iX3🔥قطعت أكثر من 1000 كيلومتر⬅️ الكبير حيفضل كبير

👈كل اللي حوالين مصر بيعملوا "حاجات عظيمة" ، بس مثلا تيجي عن المتحف الكبير، كله يقف تعظيم سلام ..احنا الحضارة.

👈فاكرين لمّا قلت ان الـGAME اتغير بعد تجسيد مفهوم Neue Klasse في عربية BMW iX3 الجديدة، أوعى تستهين بشركة تاريخها فوق الـ100 سنة.

📌الجماعة في BMW عملوا تحدي جامد للـiX3 وكان الهدف انهم يشوفوا العربية دي تقدر تمشي كام كيلو بالظبط على شحنة كهربا واحدة.

📌الفكرة بدأت إزاي❓

👈المهندسين فيBMW كانوا عارفين إن iX3  مدى السير الرسمي بتاعها حوالي800 كيلومتر ، واحد منهم قال: "ما تيجوا نعمل تحدي الـ1000 كيلو من غير ما نشحن في الطريق ، الفكرة عجبت المهندسين وقالوا يالا بينا.

👈المسافة من مصنع BMW في ديبرستين بالمجر لغاية BMW Welt في ميونخ 1000 كيلومتر ، فطلعوا من المصنع ببطارية مشحونة 100%، بس همّا عارفين ان ده مستحيل يحصل في الظروف العادية.

📌إزاي نجحوا في المهمة❓

👈عشان يوصلوا لمسافة 1000 كيلومتر، عملوا خطة عشان يوفروا كل "هبابة" كهربا في البطارية:

1️⃣بعدوا عن الأوتوبان (الطريق السريع)⬅️مفيش مشي على الطرق السريعة اللي السرعات فيها عالية، عشان دي بتستهلك كهربا كتير بسبب مقاومة الهوا، كانوا لازم يمشوا في طرق عادية وسرعات هادية عشان يوصلوا للمسافة المطلوبة.

2️⃣السواقة بالملِّي⬅️طول الطريق كانوا بيسوقوا بهدوء شديد، مفيش فرملة مفاجئة ولا تسارع جامد، وبيحاولوا يهربوا من أي إشارات أو زحمة عشان مفيش طاقة تضيع.

3️⃣قفلوا كل حاجةوده أهم جزء⬅️أي حاجة بتسحب كهربا في العربية، طفّوها، يعني مفيش تكييف، مفيش سخّان، مفيش راديو... حرفياً كانوا بيحاولوا يوفروا.. حتى النور الواطي طفوه.

📌النتيجة انهم وصلوا وبشحنة كهربا واحدة ولمساقة 1007.7 كيلومتر وفاضل في البطارية 2%.

👈طبعا فريق Neue Klasse في BMW وعلى رأسهم السيد Mike Reichelt رئيس المشروع كانوا في انتظارهم وعملوا ممر شرفي للعربيتين، لأنهم اثبتوا أن العربية طلعت كفاءتها على الطريق أحسن من اللي كانوا حاسبينه بالورقة والقلم.

📌طبعا في ناس حتسأل ده المدى الصيني CLTC ولا الأوروبي WLTP❓

لمشاهدةالتجربة الكاملة .. اضغط هنا