تاني حادثة احتراق عربية كهربا في شهر⁉ ياراجل حنوقف الاستيراد عشان نفرين تلاتة‼

👈في 23 اكتوبر الماضي حصلت حادثة احتراق جديدة لعربية Li Auto Mega الكهربائية بالكامل في شانغهاي، لكن المرة دي من غير ضحايا، الراكبين عرفوا يفتحوا الابواب ونزلوا واتفرجوا على العربية وهي بتبقى خردة.

👈طبعا انا كتبت عن حادثة شاومي SU7 ، ودخل كتير يتكلموا ان دي حادثة وارد تحصل لأي عربية في أي مكان في العالم، وده صحيح طبعا، بس لا السؤال ولا الإجابة يهموني في شيء.

📌موضوعي الاساسي هنا ما يترتب عن الحادثة من استدعاء لاصلاح الخلل او عيب الصناعة.

👈شركة Li Auto وعلى لسان مؤسسها والرئيس التنفيذي لي شيانغ ، اصدرت بيان استدعاء لعدد 11,411 وحدة Li Mega  موديل والتي تم تصنيعها بين 18 فبراير 2024 و 27 ديسمبر 2024.

👈وقالت ان سبب الاستدعاء لوجود خطر تآكل وتسرب محتمل في صفائح الألمنيوم للتبريد (Cooling Aluminum Plates) داخل دائرة تبريد بطارية الطاقة ووحدة التحكم في المحرك الأمامي.

والمخاطر المحتملة ممكن تؤدي إلى ظهور مؤشرات أعطال وتقييد طاقة العربية وفقدان الطاقة بالكامل ، وان المسألة ممكن تتطور ويحصل انفلات حراري (Thermal Runaway) في بطارية الطاقة، مما يؤدي الىخطر نشوب حريق.

👈طبعا كل الشركات في العالم بتعمل استدعاءات لمّا يكتشفوا أي خلل أو عيب في الصناعة ، سواء عن طريق الشركة نفسها او عن طريق وكلاءها في العالم.

📌وبكرر تاني نفس السؤال : ايه موقف أي حد استورد عربية ملهاش وكيل في مصر من الاستدعاءات دي❓

👈انا عارف طبعا ان الاجابة حتكون يعني هو الأوروبي مش "بيولع" وان الحوادث بتحصل عاي جدا.. لكن محدش حيجاوب على السؤال.

👈السيد محمد حمدي وهو متابع وصديق كتب أبلغ توصيف للاجابة عن السؤال.. قال ان مالك العربية حيبيعها لشخص تاني ميعرفش حاجة عن قصة الاستدعاءات

📌بس مفيش عربيات Li Auto في مصر الا نادرا❓

👈برضه⁉

👈انا بتكلم عن مبدأ، مستورد اشترى مبادرة من صاحبها واستورد عربية باسمه وباعها لمواطن وانتهت علاقته تماما.. المواطن ده حيعمل ايه لو حصل استدعاء لخلل يؤدي الى احتراق العربية❓

📌سهلة أهي