اسلام حويلة يكتب :

تراخيص سبتمبر⬅MG عدّت شيري🔥 وحتنزل بموديل G50 🔥 وغالبا الاثنين حيعدّوا هيونداي‼

MG G50 plus

👈ابرز ملاحظة على تقرير تراخيص شهر سبتمبر للملاكي "الزيرو" هي علامة MG ، لأنها عملت رقم تقريبا محصلش من بداية دخولها مصر، 2250 عربية، وبكده تجاوزت علامة شيري في الترتيب العام لـ2025.

👈شيري و MGبينهم منافسة عنيفة جدا على لقب العلامة الصينية الأولى في مصر ، صحيح MG هي الأكثر مبيعا للعربيات المستوردة، لكن تظل شيري هي الاكثر مبيعا في الصيني، مش كده وبس، ده باين ان التنافس بينهم الاثنين حيخليهم يعدّوا علامة هيونداي كمان.

👈الترتيب في اول 9 شهور من 2025 كالتالي :

علامة هيونداي : 14753

علامة MG : 13829

علامة شيري : 13792

👈خد بالك لسة تخفيض أسعار ZS و MG5 حيظهر في تراخيص اكتوبر.

📌لكن ايه اللي عمل الفارق ده في تراخيص MG❓

👈علامة MG زادت من 1,295 وحدة في أغسطس الى 2250 وحدة في سبتمبر، وخلينا نفكّر بعض ان في 24 أغسطس حصل تخفيض على MG One بقيمة 120 ألف جنيه ، رفع مبيعاتها من 118 إلى 462 عربية، ونفس الوقت حصل تخفيض على RX5 بقيمة 110 ألف جنيه وزادت تراخيصها بس مش كتير زي One ، ونزلوا كمان HS الجديدة ، واللي رخًّصت 161 عربية في سبتمبر من 11 في أغسطس.

👈ومع تخفيض ZS ونزول فئة فيس ليفت جديدة نهاية يوليو كانت النتيجة الرقم اللي شفناه.

📌طيب شيري حتقعد تتفرج❓

👈ارقام تراخيص شيري طبيعية وزيادة عن المتوسط، هنا هل العلامة عندها رغبة في الاحتفاظ بمكانتها كأفضل مبيعات لعلامة صينية، ولّا مش فارقة وانا كأداء أفضل من السنين اللي فاتت؟

📌بس ايه علاقة علامة هيونداي❓

👈الفرق أقل من ألف عربية بينها وبين MG وشيري ، ولو استمر معدل المبيعات على ماهو عليه ممكن ترجع هيونداي للرابع.

👈بالمناسبة.. MG لسة عندها موديلين أو 3 موديلات حينزلوا في الربع الأخير من 2025 ، وده بدون شك حيضمن لها المركز التاني في 2025. ، منهم موديل G50 ودي عربية عائلية 7 مقاعد..

يتبع >>>