اسلام حويلة يكتب :

ايه حكاية what I am❓وليه علامة جديدة مش MG❓تعالوا نـ GUESS😉

IM I6

وصلني توضيح من مسؤول "كبير" بأن مجموعة SAIC موتور الصينية قررت ان علامة IM الكهربائية الفاخرة تكون علامة مستقلة تماما، وان اللي حصل في استراليا في ابريل الماضي كان قبل قرار المجموعة اعتماد IM مستقلة ، وبالفعل تواجدت IM في بعض الاسواق ومنها الأردن بشكل مستقل وبـ CI مختلف تماما عن MG أو أي علامة تابعة للمجموعة.

ودايما لازم نكون عارفين ان كل الشركات الصينية في شغلها بتنقسم إلى قسمين، القسم الأول بيكون مختص بالسوق الصيني ، والجزء الثاني " international" بيكون مختص بالاسواق الخارجية، يعني عادي جدا انك تلاقي موديلات موجهة للسوق الصيني بأسماء معينة ، وتلاقي موديلات مختلفة تانية بأسماء تانية موجهة للأسواق الخارجية ، وممكن كمان تلاقي نفس الموديل بتعديلات طفيفة نازل في الصين باسم ونازل في سوق خارجي باسم تاني.

علامة IM مشروع مشترك بين مجموعة SAIC اللي بتملك النسبة الاكبر، وبين مجموعة علي بابا وشركة تشانغجيانغ ، يعني خبرة SAIC في التصنيع، وتفوق علي بابا في التكنولوجيا الرقمية، ودعم تشانغجيانغ في الابتكار التكنولوجي.

وزي ما قلت من يومين مجموعة المنصور حتقدم العلامة للسوق المصري من خلال طرح 3 موديلات كهرباء BEV همّا I5 و I6 وLS7 يوم الخميس الجاي.

ده غير ان في موديلين جداد بتقنية المدى الممتد (REEV) بيوصل مدى السير إلى 1450 كيلومتر، بس لسة مش محدد ممكن ينزلوا السوق المصري امتى

📌بالمناسبة.. في 2024 تم ترخيص 20 عربية LS7 و3 عربيات بس في 2025.

يوم 18 سبتمبر مجموعة المنصور حتقدم بشكل رسمي علامة IM الكهربائية، وبالفعل بدأت حملات اعلانية بشعار GUESS what I am ، فقلت أ GUESS الحكاية من أولها لآخرها.

👈طبعا نسيبنا من تاريخ الشركة..ناس كتير اتكلموا عليه وربنا يبارك في الـ Ai ، خلينا نبدأ بشوية ملاحظات.

👈أعلنوا في استراليا انها نازلة ، حقولك مظبوط بس بتنزل هناك تحت شعار IM Presented by MG . زي تصريح السيد Peter Ciao الرئيس التنفيذي لـ MGأستراليا، واحنا شفنا كل الاعلانات الرسمية الخاصة بالسوق المصرية مفيهاش اي وجود لاسم MG.

📌طبعا حتسأل وليه علامة جديدة و MG موجودة و"ملعلعة"؟

👈سؤال بديهي واجابته ممكن تفهمها من شركة SAIC نفسها ان العربيات حتنزل تحت اسم MG في اسواق اوروبا وامريكا الجنوبية أو ع الأقل حيكرروا نفس اللي حصل في استراليا، متنساش انها اتعرضت في معرض جنيف والعلامتين جنب بعض.

📌طب ليه مصر مش زي باقي الأسواق❓

👈احنا لسة مشفناش.. بس في الغالب اسم المنصور يقدر يبني أي علامة ويبيع أي حاجة بالمناسبة.. فمش فارقة أوي في مصر.

📌نسيت😁سريعا فكرة GUESS what I am جاية من شعار الشركة IM what I am ، IM يعني التنقل الذكي (Intelligent Mobility ) ودي مش مجرد عربية دي حتساعدك تكتشف ذاتك الحقيقية أول زي ما قالوا بالظبط : بالنسبة لعملائنا، هذا وعد لاكتشاف ذواتهم الحقيقية.

📌بالمناسبة.. حيتم تقديم 3 موديلات همّا I5 و) I6 بيتقدموا في الصين باسم L6 و LS6) والموديل الثالث هو LS7😉 والصور فيها أبعاد العربية