إفلاس BYD‼ ممكن يحصل❓ يعني هو افلاس ايفر جراند اللي كان ممكن‼

ناس كتير استغربت من اعلان شركة BYD تخفيضات ضخمة على 22 موديل من عربياتها الكهربا وصلت لـ34%، والمدهش ان التخفيضات دي كانت بدون وجود أي مؤشرات لحرب أسعار زي اللي حصلت من سنتين.

👈يعني لا تسلا ولا أي شركة تانية نزلت بأسعارها عشان BYD ترد .. السبب الوحيد الظاهر ان مبيعات شهر أبريل سجلت أبطأ معدل نمو من اكتر من 4 سنين.

إقرأ أيضا للكاتب اسلام حويلة :

خد بالك 📢السوق بعد 18 يونيو حاجة تانية 🔥شانجان ح "تولعها"🔥
 

👈كلام كتير بيتقال ومحدش عارف الحقيقة ، في ناس قالت ان السبب ورا التخفيضات دي تكنولوجيا البطاريات الجديدة واللي حيتم تعميمها في كل المصانع وبالتالي لزما وحتما التخلص من كل المخزون وبسرعة..

👈ناس تانية قالت ان المجموعة بتعاني من أزمة مالية ضخمة جدا..

📌بس ازاي أزمة مالية وقيمتها السوقية حوالي 158 مليار دولار❓يعني اكتر من القيمةالسوقية لشركات فورد وجنرال موتورز وفولكس واجن مجتمعين!

👈شوف كل حاجة واردة وبشدة.. نيسان مثلا كانوا عاملين حفل اطلاق باترول الجديدة وبعدها بيوم واحد طلع رئيس الشركة قال ان الشركة بتمر بأسوأ فتراتها والباقي كلنا عارفينه.

👈يعني وارد جدا يكون الكلام عن أزمة مالية صحيح ، خاصة انتاج المصانع في الصين ضخم وكبير جدا ، وبقى فيه فائض ضخم في المعروض، ويمكن للسبب ده السيد لي شوفو رئيس مجموعة جيلي قال في اجتماع داخلي أن جيلي مش ناوية تنبي مصانع لا في أوروبا ولا في الولايات المتحدة. وطالب بالوقف الفوري لأي مصنع سيارات جديد لمعالجة مشكلة الفائض في الطاقة الإنتاجية للعربيات في العالم.

إقرأ أيضا للكاتب اسلام حويلة :

وكيل BYD في مصر؟ الفطيم الأقرب وسوق الكهربا مش حيكبر "إلا"

 

📌بس انت متخيل ممكن يحصل ايه لو افترضنا ان BYD أعلنت افلاسها❓

👈خد بالك عملاق العقارات ايفرجراند كان مؤسسة مرعبة عالميا وانهارت في أيام معدودات.. ومتنساش مثلا ان الشركات الصينية مش سايبة BYD في حالها ، الضرب فيها شغال .. في ضرب من تحت لتحت وفي المعلن زي ما شركة جريت وول قدمت شكاوى ورفعت قضايا ضدها بسبب معايير انبعاثات الملوثات التبخيرية -زي ما قرتها كده - يعني كل شيء ممكن.

👈طبعا احنا في مصر الموضوع ده مش حيعدي كده.. اصلا تجارنا تلاقيهم سافروا واتفقوا وشحنوا العربيات كمان.. بقولك تخفيض 34%.. يعني ينزل سعرها 10% والباقي حلال عليه