اسلام حويلة يكتب :

خد بالك 📢السوق بعد 18 يونيو حاجة تانية 🔥شانجان ح "تولعها"🔥

شانجان UNI-V

يوم 18 يونيو حيتم الكشف عن موديلات شانجان الجديدة الثلاثة.. أيدو بلس وUNI-V والأهم.. شانجان CS55 Plus المجمعة محليا..يعني تقدر تقول ان بداية شانجان الحقيقية من التاريخ ده.

📌أيوة يعني ليه السوق حيكون حاجة تانية❓

👈لو سألت أي حد من الميديا رأيك ايه في شانجان❓ حيقولك ممتازة.. ولو سألت أي عميل شانجان❓ حتسمع نفس الرد.

📌ماهي لو زي ما بتقول كانت باعت كتير❓

إقرأ أيضا للكاتب الصحفي اسلام حويلة :

الفئة الأولى والثانية‼ أول موديلات BMW بدون حرف"i" في مصر

👈ده صحيح.. السؤال ده كل الناس وجهته للشركة ، وكان الرد.. بسبب ظروف الاستيراد خلال السنتين التلاتة اللي فاتوا كنّا قدّام وجهتين نظر.. نهتم باستيراد مكونات ونشّغل المصانع ونستكمل مصنع السادات، ولا نهتم باستيراد عربيات❓ كان قرار مجموعة غبور الطريق الاول ،وده أثّر على مبيعات كل المستورد بشكل عام.

📌نرجع تاني لكلامك.. ليه السوق حيتغير❓

👈شانجان CS55 plus بتتقدم في 3 فئات الأولى بـ1290000 الثانية بـ1405000 والأخيرة بـ1475000 جنيه "الأسعار الرسمية".

👈ولو مشينا على حسبة نزول 20% عن سعر المستوردة، متوقع تنزل بسعر يبدأ من مليون 35 ألف جنيه.

إقرأ أيضا للكاتب الصحفي اسلام حويلة :

اندماج شانجان ودونج فينج في كيان واحد "عطّل" اختيار وكيل "حتة الجاتوه"

خلي السعر معاك وتعالى نشوف الدنيا حتمشي ازاي❓

👈حنحسبها منافسة سعرية.. يبقى حتى العربيات السيدان الأقل من مليون جنيه حتتأثر ..عالميا ومحليا الـSUV مفضلة عن السيدان لو السعر قريب.

👈حنتكلم في SUV ..يبقى كل العربيات لغاية مليون و400 ألف جنيه حتتأثر ، ودول عددهم كبير، متنساش أعلى فئة من CS55 Plus حتكون في حدود مليون و200 ألف جنيه.

📌بس في فرق بين التجميع المحلي والمستورد❓

👈ده كلام نقعد ننظّر بيه على بعض، الأرقام مفيهاش تنظير..فيها حقائق.. كل التجميع المحلي راكب السوق في كل الفئات.. حتقولي عشان السعر .يبقى "سلو" سوقنا كده.

👈حسب معلوماتي ان مصنع غبور في السادات فيه أحدث معدات تصنيع، وفيه أحدث وحدة دهان ، ومش حيكون فيه فرق بين التجميع المحلي والمستورد، وفي كلام ان المجمعّة محليا حتكون أعلى جودة من المستوردة وخاصة في الدهان.

📌طب ايه أكتر عربية ممكن تتأثر بنزول CS55 Plus❓

ده موضوع تاني لوحده ح اكتب فيه باستفاضة اكبر