اسلام حويلة يكتب : تراخيص فبراير.. لغز العربيات الكهربا في مصر‼العميل عايز إيه❓

👈تقرير تراخيص المرور الصادر من مؤسسة الأهرام قال ان عدد تراخيص العربيات الكهرباء في شهر فبراير بلغ 569 عربية ملاكي من اجمالي 13805 عربية ملاكي بنسبة 4%.

👈العربيات الكهربا في مصر بقالها سنتين تراخيصها بنفس المعدل تقريبا ، رغم ان في توكيلات قدمت موديلات كهرباء، وفي توكيلات كهرباء بالكامل وهمّا اكسبنج وسمارت و ROX وزيكر. (في التقرير بيحسبوا الهايبريد بأنواعه مع الكهربا)

👈أكثر عربية رخّصت في فبراير BYD Song L بعدد 50 عربية وبعدها فولكسفاجن i.D4 بعدد 35 عربية وبعدها سونج بلس وفولكسفاجن id4_ crozz بعدد 30 عربية في والترتيب الخامس مرسيدس EQE 500 بـ28 عربية.

إقرأ أيضا للكاتب إسلام حويلة :

كل تخفيض وراه حكاية..منها الظاهر ومنها اللّي في "بطن الزير"

ناخد بالنا ان الأربعة الأوائل كلهم استيراد مش وكيل ، وحتى مع وجود وكيل في الباقي إلا ان عربيات كتير بتيجي استيراد، وهنا في سؤال مهم.. ليه الأغلبية من العملاء بيروحوا لعربيات ملهاش ضمان ولا وكيل مع وجود عربيات في نفس الفئة ليها وكلاء وضمان؟

طب نشوف مبيعات العلامات الكهربا؟

بي واي دي 117 عربية ، فولكسفاجن 112 ،(ملهومش وكيل)

مرسيدس 91 ، بي ام دبليو 40 (وكيل واستيراد)

وكلاء علامة كهربائية بالكامل :

اكسبنج رخّصت 28 عربية

زيكر رخّصت 18 عربية (منهم استيراد)

سمارت رخّصت 8 عربيات

إقرأ أيضا للكاتب إسلام حويلة :

فرصة لتجميع "Rox" في مصر..نمسك فيها بقى ونصّدر بجد

أسعارi.d4 بتبدأ من 2 مليون و150 ألف جنيه، وأسعارBYD Song L بتبدأ من 2 مليون و450 ألف جنيه في حين مثلا اكسبنج G6بتتقدم بالضمان بسعر يبدأ من 2 مليون و390 ألف جنيه وزيكر X الفئة الأعلى بـ2 مليون و250 ألف جنيه.. والفوارق في التجهيزات قليلة بين الرسمي والاستيراد، وكمان مدى السير تقريبا متقارب.

ف ليه العميل بيروح لعربيات من غير ضمان رغم انه عميل مثقف وفاهم كويس أوي؟

القاعدة الأولى في تسويق العربيات الكهربا الاستيراد انها مش محتاجة لا صيانة ولا ضمان.. لكن أنا شايف ان القاعدة دي مش صائبة.. لأن سعر إعادة البيع بينزل جامد أوي بعد سنتين تلاتة من الاستخدام، أو بمجرد ما كفاءة البطارية تقل، وهنا بيكون الضمان على البطارية مهم ، ع الأقل حيحافظ على سعر اعادة البيع بأحسن الأحوال مش حيوصل لـ"التلت" زي ماهو ماشي اليومين دول.

يببقى أكيد السعر هو عامل الجذب الأول..

نكمّل بعدين