حجم العربيات الـBEV في مصر 2.6% من السوق تفتكر Avatr حتبيع منهم كام

👈ركز معايا في الأرقام.. من يناير وحتى اكتوبر 2025 تم ترخيص حوالي 7600 عربية NEV من اجمالي تراخيص 174287عربية ملاكي ، بنسبة 5%.

📌المقصود بالـNEV (New Energy Vehicles) هو مركبات الطاقة النظيفة، داخل فيها الـBEV والـPHEV والـREEV والـHEV (من ضمنها المايلد هايبريد ) وكمان الـe Power.

👈موديلات Avatr اللي نازلة حتكون في الفئة السعرية بين 2.8 و3.3 مليون جنيه ، وفئة الـ BEV دي كلها على بعضها متوسط تراخيصها 90 عربية في الشهر.

👈حنفترض السوق في 2026 حيزيد 20% ، يبقى احنا بنتكلم عن 108عربيةBEV في الشريحة السعرية دي.

👈حنقول برضه ان علامة Avatr مع وكيل رسمي حيشّجع ملاك بنزين على التحول للكهرباء ، يعني ممكن نزود 20% كمان... يعني اجمالا بنتكلم في 130 عربية في الشهر.

👈يعني  وكلاء اكسبج وزيكر وIM وافاتر ومعاهم مرسيدس EQA و EQB وBMW ix1 و ix2 وغيرها من العلامات اللي بتقدم موديلات كهربا في الشريحة السعرية دي، كلهم بيتنافسوا على 130 عربية..

👈بس انت جبت اصلا رقم 90 عربية اللي بنيت عليه الموضوع منين❓

آه منك انت مش عايز تفوّت حاجة⬅الـ7600  عربية NEV متوزعين كالتالي :  

1️⃣كهربا خالصة BEV : 4600 وحدة

2️⃣هايبريد قابل للشحن PHEV : 100 وحدة

3️⃣هايبريد HEV : 1900 وحدة (داخل فيه مايلد هايبريد)

4️⃣المدى الممتد REEV : 1000 وحدة (داخل فيه e Power)

📌معايا ولا سرحت❓

👈الـ4600 وحدة BEV منهم 1890عربية BYD.. يتبقى 2710 وحدة.

نخرّج منهم 887 عربية فوق الـ3.5 مليون جنيه يتبقى عندنا 1823 وحدة.

📌مش لازم تحسب ورايا😉

👈نشيل منهم 940 عربية تحت الـ2.7 مليون جنيه يبقى عندنا 883 عربية BEV سعرها بين 2.7 الى 3.5 مليون جنيه اترخّصوا في 10 شهور، يعني متوسط 90 عربية في الشهر.

👈بالمناسبة⬅️ الارقام مصدرها المجمعة المصرية للتأمين الاجباري بالتعاون مع مؤسسة الاهرام وطبعا استخدمت التقريب

📌السؤال: تفتكر Avatr ممكن تبيع كام عربية في الشهر وتوصفها أنها نجحت❓