حادث شاومي SU7 هز الصين كلها‼اخبار بشوات مصر المستوردين ايه❓

كنت ناوي اكتب عن علامة BYD وفرص استحواذها على مبيعات محترمة في السوق مع المنصور ، لكن الحادث البشع اللي حصل النهاردة الصبح مينفعش يعدي كده من غير ما نتكلم عنه وعن العربيات الكهربائية المستوردة.

👈الصين صحيت النهاردة الصبح على حادث مأساوي لعربية شاومي SU7 والأغلب بحسب التقارير انها موديل ألترا مسكت فيه النار، بسبب تصادم بينها وبين عربية تانية.

👈عادي.. حوادث كتير بتحصل للعربيات الكهربا وكلهم بيولعوا لحد ما تبقى حديد خردة ، لكن بشاعة الحادث ان الشاب الصيني الضحية (31 سنة) "اتحرق" وهو حي.

👈انت متخيل بشاعة الحادث ، متخيل ان "المسكين" بيحاول ينزل من العربية والناس تتلم عشان تساعده ومحدش عارف يفتح الأبواب، لغاية ما النار مسكت في العربية كلها.. ومات.

👈الحادث جصل فجر اليوم الاثنين في مدينة تشنغدو في مقاطعة سيتشوان في غرب الصين.. طبعا عربيات الطفاء وصلت بس كانت النار والانفجارات شغّالة فانتظروا لغاية ما قدروا يطفوها ، وبرضه الأبواب مفتحش واضطروا ينشروها ويقطعوها

👈العربية الشاومي SU7 ألترا سعرها حوالي 73 ألف دولار، وعليها طلب ضخم جدا ، لكن النقطة المهمة في الموضوع، ان ده تاني حادث مميت يحصل لنفس العربية.

👈في مارس الماضي حصل حادث مات فيه 3 شباب ، وكان السبب على الأرجح تعطل نظام مساعدة السائق قبل الاصطدام مباشرة ، وللسبب ده شركة شاومي أعلنت عن سحب 116,887 عربية SU7 بسبب قيود محتملة في برنامج مساعدة السائق الخاص بها عند التعامل مع السيناريوهات القصوى.

👈وبالتأكيد بعد الحادث المأساوي وانتشاره بشكل مخيف داخل الصين وخارجها ، حيتم استدعاء وسحب تاني للتأكد من منظومة قفل الابواب.

📌طب البشوات اللي استوردوا العربيات من الصين وباعوها عندنا للعملاء ، ايه الموقف من عمليات السحب والاستدعاء دي❓بلح

👈في 33 عربية شاومي SU7 اترخصت من أبريل لسبتمبر 2025 وطبعا كلهم بروتوكول صيني ومن غير ضمان ولا وكيل.

📌يعني في 33 مواطن اشتروا شاومي SU7 المفروض يعملوا ايه❓

📌طب كام واحد اشترى عربية كهربا استيراد متابع موقف الاستدعاءات للشركة❓

👈يا عم قول يا باسط

📌بالمناسبة.. صورة العربية من الفيديو في التعليقات لانها لو نزلت البوست ممكن يتحذف