كوبرا تافاسكان BEV حتقدر تواجه الصيني❓ تحدي صعب🎯 وفورمنتور لأول مرة بمحرك 1.5L MHEV🔥

عندنا في الأيام الجاية عدد كبير من الموديلات اللي حتنزل مصر لأول مرة، بس خليني ابدا بعلامة بحترمها جدا..كوبرا

👈وكيل كوبرا بيجهز حاليا لطرح موديلين جداد، 1️⃣ تافاسكان، وتعتبر من العربيات الكهربا الاوروبية متوسطة السعر، بطارية 77 كيلو وات بتتقدم بفئتين بمدى سير أكتر من 500 كيلومتر.

📌الفكرة هنا ان تافاسكان هي فعليا العربية الأوروبية الكهربا الوحيدة بعيدا عن "الفواخر"، وبالتالي حتكون بوابة دخول باقي العربيات الكهرباء الاوروبية لمصر، زي بيجو وستروين واوبل وغيره.

وحتكون الانظار كلها👀موجهة ليها⬅هل حتقدر تقف أمام المد "الصيني"❓

👈فكرة احتكار الصين للعربيات الكهربا سواء بالتكنولوجيا أو بالسعر، ممكن نكتشف انه في عقولنا بس، لأن الحقيقة انه مفيش وكيل رسمي اوروبي نزل بعربية كهربا – متنساش بعيدا عن "الفواخر" – عشان نقدر نشوف ونقارن اتجاهات الشراء رايحة لفين.

إقرأ أيضا للكاتب اسلام حويلة : 

تراخيص سبتمبر⬅MG عدّت شيري🔥 وحتنزل بموديل G50 🔥 وغالبا الاثنين حيعدّوا هيونداي‼
 

👈فولكسفاجن I.D بموديلاتها المختلفة حققت نجاح كبير على مستوى الاستيراد الشخصي والرمادي، والوكيل غير مسموح له يستوردها، المرة دي حنشوف عربية من مجموعة فولكسفاجن متوسطة السعر نازلة السوق.

👈مش عايز أقول انى متخيل ان فرص نجاحها حتساوي نجاح كودياك وتيجوان ، لأن زي ما في قطاع كبير من العملا لسة رافض الصيني بكل علاماته وموديلاته.. حتلاقي قطاع كبير مستني فرصة وجود عربية كهربا بضمان وكيل وبسعر مناسب والأهم بمدى سير كبير.

👈نيجي بقى للموديل 2️⃣فورمنتور الجديدة كليا.. ميزة العربية دي انها نازلة لأول مرة في مصر بالمحرك الجديدة 1.5L MHEV ، واقصد بأول مرة بالشكل الرسمي عن طريق وكيل مجموعة فولكسفاجن ، المحرك ده موجود في عربيات سكودا كودياك الاستيراد "الشخصي والرمادي" بقاله فترة وتقريبا في اكتر من 3000 عربية ، يعني كمان متجرب ، المحرك موفر للبنزين مع تقنية مايلد هايبريد (محرك كهربا 48 فولت) ، يعني اداء أفضل وموفر اكتر.

📌بالمناسبة.. كوبرا لسة عندها موديل رافال BEV اللي تم الكشف عنه في معرض IAA في ميونخ الشهر اللي فات👇👇 ودي عربية أرخص من تافسكان بس لسة قدّامها شوية كتير