قرار المفوضية .. يوم تاريخي للسيارات الكهرباء في اوروبا والعالم

في نفس التوقيت في الاسبوع اللي فات كتبت وقلت ان بكرة الصبح العالم كله مترقب الاعلان والكشف عن BMW ix3 لأنها اول تجسيد لمفهوم Neue Klasse، و تقريبا مفيش حد له علاقة بالمجال إلا وكتب عن الموضوع ده ، مع ان اغلبهم كانوا فاكرين Neue Klasse أصلا عربية تم انتاجها.
 

بكرة الجمعة قطاع السيارات العالمي بمكوناته وصناعاته مترقب اللي حيحصل في اجتماع المفوضية الاوروبية برئاسة أورسولا فون دير لاين مع الجهات الفاعلة في الصناعة ، سواء كانت منظمات الصناعة أو الشركات المختلفة.
 

بس الأول محتاج تعرف الدنيا ماشية ازاي❓
 

 رؤساء شركات السيارات زي مرسيدس وستيلانتيس وفولكسفاجن لمحّوا خلال معرض IAA Mobility في ميونخ ان قرار حظر بيع عربيات بمحركات الاحتراق الداخلي (بنزين وديزل) مش حيكون ممكن بحلول 2035، وطبعا الشركات العملاقة دي بتضغط بأوراق كتير أهمها مثلا الأيدي العاملة.
 

في المقابل وجه 150 رئيس شركة، خطاب للمفوضية بيدعموا القرار السابق للاتحاد الاوروبي بوقف محركات الاحتراق الداخلي بحلول 2035 وعلى راسهم شركة فولفو وبولستار(مملوكين لجيلي الصينية) والباقي شركات بطاريات وتكنولوجيا.
 

ايه الفكرة من بكرة❓
 

الشركات الأوروبية مش جاهزة بشكل مناسب للتحول الكامل للكهربا، وانا هنا بقولك كهربا مش هايبريد او حتى REEV ، مفيش بنزين أوديزل نهائيا،وطبعا الشركات الصينية مستنية لحظة الانقضاض ع السوق الأوروبي.
 

أكتر شركة متضررة هي مرسيدس ، وده ظهر بوضوح قبل أسبوعين، في رسالة إلى المفوضية الأوروبية بتؤكد فيها أن خفض الانبعاثات بنسبة 100% في 2035 مش ممكن، ووّقع على الرسالة السيد أولا كايلينيوس الرئيس التنفيذي لمرسيدس.
 

السيد أنطونيو فيلوسا، الرئيس التنفيذي لشركة ستيلانتيس، كان دبلوماسي وقال اننا محتاجين مرونة أكبر في التحول الكامل للكهرباء، وممكن ندعم الهايبريد كحل مؤقت.
 

اوليفر بلوم رئيس فولكسفاجن مسك العصاية من النص ، قال مش منطقي ان كل العربيات تكون كهربا في 2035 ،خلينا واقعيين ، بس في نفس الوقت شركته جاهزة.
 

تفتكروا مين الشركة التي تكاد تكون الوحيدة اللّي معندهاش مشكلة خالص، بل بالعكس أعلنت انها الأبرز في مستقبل العربيات الكهربا؟
 

أيوة.. BMW
 

حنزل صورتي مع السيد oliver zipse رئيس مجلس ادارة BMW بالمناسبة دي