رئيس شيري انترناشيونال يجاوب على سؤال : Too many Brand❓

خلونا نكسر حدة الأرقام وتحليلات السوق النهاردة ونتكلم في موضوع أعتقد ناس كتير مستغربة منه.. وهو ليه كل شوية علامة صينية جديدة❓

الإجابة عن السؤال ده قالها السيد Zhang Guibing رئيس شركة شيري انترناشيونال (علامات شيري-اكسيد- اومودا جايكو- Lepas) في مؤتمر تقديم علامة Lepas للعالم في الصين – كنت حاضر بدعوة من مجموعة جي بي أوتو-.. بدأ كلامه وقال الناس بتسألني ❓Too many Brands

👈الجواب كان بسيط جدا مع عرض الشارت والصور ، نسبة نمو مجموعة شيري جت عند نقطة وبدأت تقل، ولمّا اطلقنا علامة "أومودا- جايكو" في 2022 نسبة النمو ارتفعت بشكل كبير (الصورة في الأسفل).. ونفس الشيء تكرر مع اطلاق علامة Exeed.

👈مش كده وبس، ده كمان مع اطلاق علامة اومودا في 2021 وحتى 2024 ،حجم التصدير زاد بنسبة كبيرة جدا (الصورة موضحة).

❓كمان قال ان حجم سوق السيارات العالمي 65 مليون وحدة، منهم 52% نسبة السيارات العائلية، يعني حوالي 35 مليون وحدة، مستحيل ان علامة شيري لوحدها تقدر تغطي الحجم ده ، علامة واحدة لا تكفي.. وبالتالي ساهم اطلاق عدة علامات، كل علامة لها هوية وDNA خاص بيها في زيادة حجم المبيعات وزيادة نسبة النمو ،واتكلم عن كل علامة وبتخاطب مين وكلام مهم جدا حذكره تباعا.

❓طبعا السيد Wel Zhong رئيس علامة Lepas شرح خطط العلامة والتكنولوجي الجديدة اللي حتقدمها Lepas المزودة باحدث محرك من مجموعة شيري وأهدافهم، وبعدها شرح السيد ايفان ديولانوفيتش (صربي الجنسية) رئيس قسم التصميم ، ازي صمموا العربية من وحي الفهد (Leopard) واختيار الاسم وكان عرض مبهر الحقيقة، وحتى ألوان العربية جت منين.. "حكتب عن الموضوع ولقائي معاه في بوست لوحده"

📌السؤال الأهم .. Lepas نازلة امتى السوق المصري❓

❓بالتأكيد معنديش اجابة قاطعة ، لكن سألت السيد Wel ممكن توصل مصر امتى❓ رد وقال ان المبيعات العالمية حتبدا في أكتوبر 2025 ، يعني ممكن نلاقيها في مصر على الربع الأول من 2026.

📌بالمناسبة.. احنا مش بعيد عن الخريطة.. احنا مش موجودين أصلا