اسلام حويلة يكتب :
اسعار العربيات في انتظار نيسان صني .. فيها 30% يا خال
نيسان صنى
نيسان صنى اكتر عربية بتبيع حاليا ، تجميع محلي، وبيتم تصديرها،صحيح بكميات قليلة لكن البدايات دايما بتكون الاصعب ، واللي جاي بعد كده حيكون أفضل.
أهمية نيسان مش في اللي قلته بس ، كمان "صني" في اعتقادي أصبحت المؤشر الرئيسي لأسعار العربيات في مصر، بمعنى ان صنى لو اسعارها زادت حتلاقي السوق كله بيرفع ويزوّد ، فضلت زي ماهي حتلاقي السوق ماشي وراها.
ليه ؟
اسعار العربيات مرتبطة ببعض ، واي اختلال في فروقات السعر بيسمّع على طول في مبيعات بقية العربيات ، يعني لو زادت اسعار الـ"صنى" حتلاقي بالتبعية موديلات كتير من نفس الفئة رفعت اسعارها ، طب لو نيسان نزلت بالاسعار ، برضه حتلاقي كله نزل بالاسعار وإلا مبيعاته حتكون سيئة ، طيب الفئة السعرية دي نزلت ، حتلاقي الفئة الأعلى بتنزل هي كمان بالتوزاي وهكذا لغاية ما تسمع لمستوى التوسان والسبورتاج
طب الأعلى من كده؟
ملكش صالح بيهم يا خال .. في "عركة" فوق شغّالة بين "كبارات السوق" سواء على مستوى البنزين او الكهرباء .. ح اتكلم عليهم بكرة
نرجع لنيسان ، السوق مستني التسعير الجديد لـ"صنى" ، والقائمين على "صني" نفسها مستنيين موقف البنوك والقرارات المرتقبة الخاصة بفتح الاعتمادات – للمكونات ع الأقل- أو لو في قرار خاص بالتعويم.
تسعير نيسان مش بس واقف عليه بقية اسعار الجديد ، لأ ده المستعمل كمان "حيتشقلب" لو سعر "صني" نزل.
لو افترضنا ان سعر عربية مستوردة منافسة لـ"صنى" أعلى في السعر بحوالي 50 ألف جنيه ، ممكن العميل يتجاهل "صني" ويشتري المستوردة ، لكن لو الفارق بقى 150 ألف حيكون الاختيار على "صني" بدون جدال
طب ليه صني بالتحديد؟
لأنها تجميع محلي وده بيديها افضلية في فتح الاعتمادات البنكية للمكونات المحلية، وبياعة لانها اكتر عربية محققة مبيعات وماشية في الشارع وماسكة سعر في اعادة بيعها ، لانتشار قطع غيارها وبساطة اصلاحها وغيره.
بالمناسبة .. الدولار من 70 لأقل من 50 في اسبوعين ، يعني حوالي30% ودي النسبة المفروض ان الاسعار تنزلها حتى لو مفيش تعويم او اعتمادات
أخبار متعلقة
"تسقيع" العربيات والأوفربرايس و"العين الحمرا" لرينو ميجان
08 فبراير 2024 07:09 م
اسلام حويلة يكتب : من الذي لا يحب BMW ؟
21 فبراير 2024 05:51 م
اسلام حويلة يكتب : سعر موديلات سوبارو.. حد ليه شوق في حاجة
22 فبراير 2024 06:15 م
اسعار ومواصفات السيارات
البحث حسب الميزانية
البحث حسب الميزانية
البحث حسب الموديل
الأكثر مشاهدة
أخبار ذات صلة
الفجوة التمويلية وشرا العربيات.. انت سيد قرارك
29 أبريل 2024 10:39 م
تقرير : كيف أصبحت الصين قائدة الثورة العالمية في السيارات الكهربائية؟
27 أبريل 2024 08:13 م
حرب الأسعار الصينية تعصف بشركات السيارات الكهربائية في 2024
26 أبريل 2024 08:16 م
يعني الدولار ينزل بس على العربيات وأسعار قطع الغيار بنت البطة السودا؟!
25 أبريل 2024 11:33 م
العودة للأعلى
أكثر الكلمات انتشاراً