اسلام حويلة يكتب :
سانج يونج الكورية بقت KG Mobility .. كورية برضه.. ايه الحكاية؟
KG Mobility
شركة عربيات ايجيبت وكيل سيارات KG Mobility – سانج يونج سابقا-(KGM)، أعلنت عن الأسعار الجديدة لسياراتها في مصر بالتزامن مع تغيير اسم العلامة التجارية الكورية سانج يونج إلى KGM ، بس ايه حكاية KGM دي؟!
سانج يونج ليها حكاية معروفة بس مفيش مانع نحكيها، الشركة اتأسست سنة 1954 لكن طول تاريخها كانت الظروف مش معاها خالص ، وتعرضت لمشاكل كتير نهايتها اشهار الإفلاس ، في الأول اشترتها شركة دايو وشوية وشركة دايو ذات نفسها اتباعت لجنرال موتورز ، وبعد كده اشترتها شركة سايك الصينية وبرضه حققت خسائر فتخارجت سايك منها ، دخلت ماهيندرا الهندية بصدرها وقالت بس عندك انت وهو، مفيش غيرنا ليها واشترت تقريبا 75% من سانج يونج ، قبل 10 سنين كانت لبست في الحيطة وقالت حقي برقبتي وخلعت، وسابت الشركة للإفلاس من كتر الديون ، طبعا محكمة افلاس سيول تولت اختيار العروض الأفضل لبيع الشركة، فدخلت شركة اوتبيسات كهرباء اسمها اديسون موتورز وقدمت عرض وافقت عليه المحكمة ، بس مع أول قسط بحوالي 250 مليون دولار شركة اديسون مقدرتش، فالمحكمة عملت مزايدة تانية ، واتعمل تحالف بقيادة شركة KG Mo bility وتم الموافقة على العرض.
بس يا سيدي.. خلصنا لأ طبعا.. الحكاية مكملة انت وراك حاجة
رئيس شركة KG Mobility السيد كواك جيا سون قال بشكل مباشر ان اسم سانج يونج له قاعدة جماهيرية بذكريات طيبة ، لكن له كمان صورة مؤلمة ، كل سيارات سانج يونج حتطلع للعالم تحت اسم KG ، بس حيفضل تاريخ سانج يونج موجود دايما.
شركة KG Mobility حتركز على التنقل والمنصات المخصصة للعربيات الكهربائية والبرمجيات والعربيات ذاتية القيادة وتقنيات الذكاء الاصطناعي.
معنى كده اننا حنشوف السيارات الجديدة باسم KG Mobility ؟
طبعا والكلام ده بقى ساري في دول وبقية دول العالم من بداية 2024 ومن ضمنها مصر يعني خلاص مفيش حاجة بعد كده اسمها سانج يونج
تعرف على اسعار موديلات KGM (سانج يونج) بعد تخفيض الاسعار
أخبار متعلقة
اسلام حويلة يكتب : الحوت الكبير والاوفر برايس ..يا آه يا آه
05 مارس 2024 10:50 م
اسلام حويلة يكتب : سعر موديلات سوبارو.. حد ليه شوق في حاجة
22 فبراير 2024 06:15 م
اسلام حويلة يكتب : من الذي لا يحب BMW ؟
21 فبراير 2024 05:51 م
اسعار ومواصفات السيارات
البحث حسب الميزانية
البحث حسب الميزانية
البحث حسب الموديل
الأكثر مشاهدة
أخبار ذات صلة
ناتكو توقع اتفاق مع شركة نيتا الصينية في معرض بكين
27 أبريل 2024 11:46 م
فولكس فاجن تطلق علامة تجارية جديدة للسيارات الكهربائية في الصين
27 أبريل 2024 08:30 م
الحكومة الصينية تقدم 1380 دولار لكل عميل يستبدل سيارته القديمة بأخرى جديدة
27 أبريل 2024 07:55 م
التحقيق الفيدرالي يشكك في كفاية استدعاء تسلا لمعالجة مخاطر الطيار الآلي
27 أبريل 2024 03:07 م
العودة للأعلى
أكثر الكلمات انتشاراً