السبت، 20 أبريل 2024

04:26 م

اسلام حويلة يكتب : من الذي لا يحب BMW ؟

الفئة الخامسة i5

الفئة الخامسة i5

تقدر تصّنف انسان العربيات لثلاث فئات ، انسان التويوتا، وده انسان هادئء الطباع والاحلام ، بيحسبها بالورقة والقلم ، واقعي بشكل مبالغ فيه ، مش بيحب المخاطرة ولا المغامرة ولا المقامرة.. تقدر تقول عليه ماشي جنب الحيط.
الانسان التاني هو انسان الـ BMW، طموحه بلا حدود ،حلمه مش واقف عند حد معين ،طول الوقت مغامر ، جسور ، No risk No fun
اما الانسان الثالث فهو بين ده وده ، عايز يبقى BMW بس لسة "تكة" ومش عاجبه يكون تويوتا ،بس برضه مستنى الـ"تكة"


كل الزملاء أجمعوا ان حفل تقديم الجيل الثامن من الفئة الخامسة كان اسطوري وتاريخي ، وانه أقوى تقديم لعربية في مصر على الإطلاق ، اختيار هرم زوسر والـ7 مساطب ، تشبيه بالـ7 أجيال السابقة ، أجواء العراقة والاصالة للمصريين ، تشبه اجواء الفئة الخامسة عند شركة BMW.


في حاجات كتير ممكن تتكلم عنها في احتفال التقديم الرسمي ، زي وجود الـ7 أجيال السابقة وقت تقديم الجيل الثامن، اد ايه شركة جلوبال اوتو بذلت مجهود عشان تقدر تجّمع عربية من كل جيل في مكان الحدث ، ازاي تستقبلك الـ E12 الجيل الاول 1972 وانت داخل الاحتفال ، وممر الشرف الـE28 الجيل الثاني والـE34 الجيل الثالث وبعدين الجيل الأهم في التاريخ الـE39 الجيل الرابع ، وبعدين آخر جيل في سلسلة الـE الجيل الخامس E60 وبعده السادس F10 والسابع الـG30.


علامة BMW ليها حالة فريدة من نوعها ، يعني مش حتصادف شخص "سوي" ما بيحبش BMW ، صغير أو كبير ، ولد أو بنت ، رجل او امرأة ، يركب ايه من BMW مش دي المشكلة ، طب لو معاه BMW؟ يبقى مش حيّغير او على الاقل مش بالساهل.
بالمناسبة .. BMW العلامة الوحيدة الّلي مالكها فاهم عربيات كويس أوي ، حتلاقيه حافظ كل الموديلات ، بالنسبة له مش مجرد عربية والسلام

مارشدير

اسعار ومواصفات السيارات

البحث حسب الميزانية

البحث حسب الموديل

العودة للأعلى

search