اسلام حويلة يكتب :
اسعار العربيات سنتين ورا "ولّت وانتهت ومش حترجع"
اسلام حويلة
أي كلام على أسعار أو تسعير للعربيات هو نوع من العبث، واي محاولة لمناقشة اللي بيحصل هو هزل بمعنى الكلمة.
لازم نعتاد على الوضع الجديد اللي بقينا فيه، وان اسعار العربيات سنتين ورا "ولّت وانتهت ومش حترجع".. انت قاعد بتحسب كانت بكام وبقت بكام، وسيادتك عمّال تضرب كف على كف ، ِسبت سعادتك كل حاجة حواليك سعرها راح في الوبا ومسكت في العربيات، عشان ترتاح احسبها بالدولار ، وزوّد عليها حبة حلوين من شحن وتضخم محلي وعالمي ، حتلاقيها هي هي ، بس انت اللّي ما صدقت يا سيد.
طب هو في ناس بتشتري يابا الحاج؟
أيوة طبعا، في قطاع كويس سواء من العاملين بالخارج أو من اللي بيتعاملوا مع شركات عالمية ودخلهم بعملات أجنبية دولار ويورو وغيره.
في قطاع أكبر احتاط للتضخم ، وحافظ على قيمة فلوسه سواء في دهب او عملات او غيره ، فده برضه حيقدر يشتري.
في قطاع تالت صحيح هو أقل في العدد بكتير بس تقدر تقول انه متاثرش كتير، مش لإنه عايش بره مصر ، ده لإن عنده استثمارات جوه مصر وخارجها.
خلينا في السوق
بكرة حيتم تقديم 3 عربيات لأول مرة في السوق المصري ، مجموعة ابوغالي حتقدم سوبارو فورستر وسوبارو كروستريك ، من اليابان محركاتهم فوق الـ1600 سي سي يعني جمارك كبيرة ورغم ده الأسعار المتداولة تعتبر منافسة لعربيات أقل من 1600 سي سي.
العربية الثالثة دي حدوتة لوحدها ، اتكلمت عنها قبل كده ، لوتس إلتير الـSUV الخارقة الكهربائية ، من صفر لـ100 كم في 2.9 ثانية وسرعة 260 كم في الساعة ، مسافة 595 كم في الشحنة ، محركين بقوة900 حصان.
بالمناسبة.. خطة مصر استهداف نمو 4.2% للسنة المالية 2024-2025 وده أقل من توقعات صندوق النقد الدولي 4.7% لنفس السنة.. حتعدي وحتبقى أحلى
أخبار متعلقة
إكسيد RX مفيهاش هزار خالص ..حقّها ولا مش حقّها؟
09 فبراير 2024 08:31 م
"تسقيع" العربيات والأوفربرايس و"العين الحمرا" لرينو ميجان
08 فبراير 2024 07:09 م
"ترخيصها ب12 الف جنيه".. أهم 7 معلومات عن نيسان اكس تريل
07 فبراير 2024 08:08 م
اسعار ومواصفات السيارات
البحث حسب الميزانية
البحث حسب الميزانية
البحث حسب الموديل
الأكثر مشاهدة
أخبار ذات صلة
لماذا قام إيلون موسك بتسريح قسم شبكات الشحن بـ"تسلا"؟
17 مايو 2024 03:23 م
إحتفالا بمرور 100 عام .. MG تاريخ عريق وتطور سريع
15 مايو 2024 09:01 م
تجميع هيونداي النترا AD وكمان الفيس ليفت.. مش كيميا يعني
12 مايو 2024 07:00 م
كيف اختارت جنرال موتورز إنهاء بعض علاماتها التجارية خلال أزمة الإنقاذ المالي؟
10 مايو 2024 10:09 م
العودة للأعلى
أكثر الكلمات انتشاراً